Yela 33:2 - mzwDBL

² Hé lɔ janjela kpɛɛ Korowii, hé kpɔ koŋkwaa baa kpɔa dɛɛ hɛlɛ bwa soo siwi, lɔ yela kpɛɛro.

Yela 33:2 ပူးပေါင်းရင်းမြစ်များ

Yela 144:9

N Naa Korowii, mɛɛ ɡo yelfalee tɛɛ, mɛɛ kpɔ janjelaa lɔ yela kpɛɛre.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Wepila 14:2

Asɛ n no ɡbɔɡa nyundua kɛŋɔ chuubu aa dɛ si ken, a berɛ do kɛŋɔ bwaala aa kɔra kohona la. Dɛ o dɛ si kɛŋɔ baa dɛ lɔ janjela la.

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.

Yela 92:3

dɛ́ lɔ janjela ne kwaa bwa soo siwi baa kpɔa dɛɛ hɛlɛ ɡo yela kpɛɛre.

1 Webena 25:6

Dɛ ba bwa lɔ ba mɛɛ sie dɛɛ lɔ kwaa anɛ ane baa kpɔ ayaawa ɛa dɛɛ hɛlɛ, ne janjela dɛɛ kpɛɛ Korowii o Dea. Asɛ Asaf ne Jedutun ne Heman ɡe do kooro lɔɡa wɛɛ nyiŋi ba nɛ.

1 Webena 25:3

Jedutun bibaala lɔ nɛra banumɛl, banee teŋa nɔ, Gedalia ne Sɛre ne Jesaya ne Simee ne Hasabia dɛ Matitia. Dɛ ba mɛɛ Jedutun dɛ nyiŋi ba nɛ dɛɛ bol Korowii wa, dɛ lɔ janjela ja dɛɛ kpɛɛ dɛɛ jam Korowii.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

2 Samoɛl 6:5

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela dɛɛ hoh kalipere, dɛɛ lɔ kwaa anɛ ane baa kpɔ ayaawa ɛa, dɛɛ yiiɡi loŋa ɡe Korowii sie.

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 71:22

Mɛɛ lɔ janjelaa kpɛɛre, N Naa Korowii maa dɛ tomɛ, mɛɛ kpɛɛree he kasinteŋ haa dɔa la wa. Mɛɛ kpɔ n janjelaa lɔ yela kpɛɛ hen Israel Nɛŋɡoroŋ la.

Yela 92:4

He nyokpowe-ɛɛla ɡelɔ n sie ɛɛ lɛ, n dɛ ɡo silɛɛ yela a wa.