Yela 32:8 - mzwDBL

⁸ Korowii ŋɔ, “Mɛɛ baɡle ŋwɛnɛ aa chɛ kɛ he kpɔ o ta, mɛɛ bol waa baɡle, dɛ́ kpɔ n nɔn tɔ he nɛ.

Yela 32:8 ပူးပေါင်းရင်းမြစ်များ

Mumpar 24:48

Belaa n ɡuŋi dɛ jam Korowii, dɛ kpɛɛ n dɔɔ Abraham Korowii waa kpɔ n naa andɛɛɡa kɛŋɔ ń ka mo n dɔɔ nime bie ba tɛ o bie la.

2 Samoɛl 22:33

Korowiirii dɛɛ tɛ mɛ bokpeɡa, dɛ ɡel n ŋwɛnɛre bwa do wer tɛ mɛ.

1 Koranar 8:36

noa nyundua bela haa soɡa la, dɛ́ kpɔ he bonɔɔna yaa ɛ he nɛra wechɔɡa kɛ yaa, dɛ́ baɡle yaa ɡɛ yaa so sodɛɛɡa. Ásɛ he nɛ bwaala harɛ haa kpɔa tɛ yaa o ɛ ya kapɛrɛ kon la ta.

Yela 143:8

Dɛɛ lii mɛ he nyina aa wola jaɡa dɔe la chɔɔ bɛlbwa, dɛkalkɛ he nɛɛ n kpɔ n te dawɛ. Henee n wi dɛɛ no, baɡ mɛ ŋwɛnɛ maa kpɔ o ta.

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Nɛra Kura 9:22

Tɔpera anɛ kɛɛ korobie kɛɛ benanyoaa bam la ɛɛ ba Korowii Tɛnte Dea la nyundua tɔe ka tel aa, ba dɛ so bela. Kɛ awola waa den le o ta la, dɛ ba iro teŋɛ.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.