Yela 32:3 - mzwDBL

³ N fa aa wola n wechɔɡa maa ɛa bolɛ la, n wio tɔpebir bwa, dɛ ba koh.

Yela 32:3 ပူးပေါင်းရင်းမြစ်များ

2 Samoɛl 11:27

Waa wiu tonɛ la, kooro ɡelɔ ba ka kpɔɔ ba o be dem o berɛ o haah, dɛ lolɛ bibaa tɛo. Kɛ Korowii sie ta waa kooro aa ɛa la ta lɛɛ.

Job Tɔn 3:24

Suna dii ber mɛ kondikwa, maa won ɡel pɛma bwa.

Job Tɔn 30:17

N hoɡa bini dɛ chwee mɛ jwaana, n bwara bini wee aa men ɡel bwa.

Job Tɔn 30:30

N bwadabii sie biro dɛɛ sɔle, n bwara bwa wɔrɔbɔ kɛŋɔ kabul aa laɡ mɛ ken.

Yela 22:1

N Naa Korowii! N Naa Korowii! Ɛrɛɛ he chwa mɛ nɔɔ? N do lɔŋɔ sum ne ŋɔ hé cha mɛ, kɛ maa wobɛlbwa na.

Yela 38:3

He bandia ɡelɔ n bwara ɛɛ nyɛɡ mɛ, n wechɔɡa nomanta, n bwadabii bwa ne weelaa.

Yela 38:8

N ɡwɛɡrɔ, n bwara bini bwa sɔɔh, suna dii ɡel mɛɛ pɛmɛ.

Yela 51:8

Gel n no silɛɛ ne hɛɡra ɡbɔɡa, a lole kɛŋɔ he lɔ mɛ bil, n hoɡa bini ɛɛ wee mɛ, mɛɛ berɔ dɔ silɛɛ ja.

Yela 6:2

N Naa Korowii, n ɡwɛɡrɔ, n poori, na n sum. N hoɡa bini bwa dɛ wee mɛ, chaah mɛ.

Sɛɡla 17:22

Silɛɛ dɛɛ tɛ bokpeɡa, asɛ lokua ɡee sɔɔh nɛn.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Aesaya 59:11

Ɔmee chole ya nɛɛ ya wi dɛɛ di suna. Ya dɛ nyiŋi kɛŋɔ, Korowii ba lɛ yaa le nɛra baa dɛ fiiɡi yaa nɔn ta, kɛ yaa wobɛlbwa na.

Wiile 1:3

Ba fiiɡi Juda tena baa lɔ Jerusalam kohona, dɛ laɡ ba laa ta kaa bojaŋ harɛ ta. Ba lɔ harɛfala ta, ba ta bosɔɔhna bɛlbwa dɔe. Ba dɔma bar ba cheme, ba ta bɔr dɔe dɛ́ le chwa kaa.

Wiile 3:4

O ɡelɔ n ɡwaŋɛ, n ta bwadabii dɔe kpa, dɛ kuuɡi n hoɡa.

Wiile 3:8

Hale n kpɔ takpeɡ yerɛ dɛ soŋe Korowii ŋɔ ó cha mɛ kwaraa naa, waa n be no.

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

1 Samoɛl 31:13

Ba pa ba hoɡa ka huɡe dajen bɛl waa lɔ Jabes mun, asɛ dɛ vɔwɛ nyoa tɔpera anuanɛ.