Yela 32:1 - mzwDBL

¹ Nɛra Korowii aa kpɔ ba wechɔɡa kɛ ba, waa wola a waa lii kpa la, ba na som.

Yela 32:1 ပူးပေါင်းရင်းမြစ်များ

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Yela 85:2

He kpɔ he nɛra wechɔɡa baa dɛ ɛ kɛ ba, he tɔ ba wechɔɡa ta.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Yela 40:4

Nɛra baa kpɔ ba te dawɛ Korowii nɛɛ la, ba na som. Nɛra baa wola mbarafo tena we-ɛɛla nyiŋi, kɛɛ baa wola voɡa tomɛ la.

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Yela 53:1

Gɛna ɡboo yon ŋɔ, “Korowii toole.” Nɛndɛɛɡe bɛlbwa toole ba bini, wechɔɡa ɡboo ba bwa, nɛmbeŋkpoŋ kwaraa toole dɛɛ ɛ wedɛɛɡa.

Yela 42:1

N Naa Korowii, ɡɛ nyɔɡre kpo welo, o siwi yon swɛɛ, wɛɛ nyin nepale waa sɔna la, ɡɛɛ n siwi swɛɛ he wa.

Matiu 16:17

Yeesu ŋɔ, “Jɔn bie Seemɔn, he na som kɛŋɔ nomɛlbwa aa wola hen waa nɔ baɡlɛ asɛ he jemɛ nɔ. N Mɛɛ waa lɔ nyundua laanee baɡle.

Yela 128:1

Nɛra baa dɛ ɔmɛ Korowii, dɛɛ teŋɛ o Mmarare ta la, ba na som.

Yela 89:15

Nɛra baa ɡo yela dɛɛ kpɛɛre, ne banɔ la baa dɛ valɛ bɔr waa chaah he sie la, ba na som.

Yela 84:12

Nemenɛ Korowii, nomɛlbwa waa kpɔ o te dawɛ he nɛɛ la, o na som.

Yela 52:1

Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

Yela 45:1

Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.

Yela 55:1

N Naa Korowii, no n wesoŋa, bɛ sie laa kpɔ waa maa dɛ soŋe nɔ ta,

Nehemia 4:5

Bɛ ba bolchɔɡe dii ta tɔ, bɛ ba wechɔɡa soh, dɛkalkɛ ba chɛɡre ya nɛra yaa bera kwaa dɛɛ ma danjwɛɛ la.”

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.