Yela 31:3 - mzwDBL

³ Haa do kɛŋɔ n Bwetal n chwa baa marɛ ne danjwɛkpeɡ nɔ, ba tɔ n sie, dɛ́ baɡ mɛ ŋwɛnɛ, he sɔn la wa.

Yela 31:3 ပူးပေါင်းရင်းမြစ်များ

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Nehemia 9:19

Kɛ he ta ban ɡelɛ pua hɛŋle ɡbo harɛ ta bela, dɛkalkɛ tedoma haa dɔa tɛ nɛra kan kohona. He ta bam kɛɛ nii waa tɔ ba sie dɛɛ baɡ ba ŋwɛnɛ webaŋa ne jwaana laa kpɔ.

Yela 102:3

N tɔpera dɛ kaa warane kɛ chuu, n hoɡa bini ɛɛ wee mɛ kɛŋɔ hɔla aa dɛ fuh ken.

Yela 116:2

N wio noo waa, o cheɡ deŋne dɛɛ no n be saŋ bɛlbwa.

Yela 139:24

Nyiŋi dɛ na kɛ wechɔɡa ane lɔ n bini, dɛɛ tɔ n sie ŋwɛnɛdɛɛɡe ta, saŋ bɛlbwa.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yela 25:11

N Naa Korowii, a lole kɛŋɔ n wechɔɡa kan te, koh he sɔnjen la wa dɛ́ kpɔ kɛ mɛ.

Yela 25:5

Baɡ mɛ he kasinteŋ waa la mɛɛ teŋɛ a ta, dɛkalkɛ henee Korowii maa dɛ tomɛ, he ɛ n Lɛɛ, he nɛɛ mɛɛ hwɛɡɛ tɔpere bɛlbwa.

Yela 25:9

O cha nɛŋɡwɛɡra baa ɛ wa aa toɡra, dɛɛ baɡ ba o ŋwɛnɛre.

Yela 43:3

Kpɔ he nii waa do kɛ kandea, ne he kasinteŋ ba tɔ n sie, ba n ne he bwe waa do ɡoroŋ la ta, he Dea bela haa lole la.

Yela 71:3

He do kɛŋɔ Bwetal maa chwaa baa marɛ saŋ bɛlbwa, che he waa haa bola la ta, dɛ́ lɛɛ mɛ. Henee n Bwetal, ne n danjwɛkpeɡ.

Yela 79:9

N Naa Korowii, ba cha yaa dɛ́ lɛ yaa. Ba lɛ yaa dɛ́ kpɔ ya wechɔɡa kɛ yaa, he sɔn la wa.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

Ɛfesos 1:12

ásɛ nɛra won nyiŋi ya banɔ la yaa fela dɔ hwɛɡa Yeesu Kristo waa ta la, dɛ́ kpɛɛro, dɛ́ tɛo jirima.

Josua 7:9

Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”