Yela 30:7 - mzwDBL

⁷ N Naa Korowii, haa sune n nɛɛ la, he ɡelɔ n che kiŋkiŋ kɛŋɔ bwejen ken. Kɛ haa laa sie kpɔ n nɛɛ la, n ɔmɔ kohona.

Yela 30:7 ပူးပေါင်းရင်းမြစ်များ

Yela 104:29

He laa sie kpɔ a be naa, dɛ ɔmee chole a nɛ, he lɛ hweera haa kpɔa tɛa la aa, a dɛ serewe, dɛ́ berɛ kaa teera haa kpɔa maa la ta.

Yela 143:7

N Naa Korowii, chaŋ mɛ warane, dɛkalkɛ n hwɛɡa bwa tonɔ. Bɛ sie laa kpɔ n nɛ, ɡɛ laa aa, mɛɛ doo kɛŋɔ nɛra baa serewa kaa lalabwɛɛ ken.

Yela 89:17

Henee tɛɛ ba he kpeɡri ne jirima kohona, he cheɡɛ he nyina ta dɛ ɡel ya pɔ ya dɔma nɛ.

Yela 40:2

O laɡ mɛ le lalabwɛ waa do kɛŋɔ bɔluŋ ta, n le seo nyoa. O kpɔ mɛ ba chɔŋɛ bwetal ta, n bwara sɔɔh mɛ, asɛ n che kiŋkiŋ.

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Yela 5:12

Kpela, Korowii he ɡelɔ nɛra ba wa aa toɡra na som. He nyina haa dɛ nyin ba la tɔ ba ɡbemɡbe, dɛ bar ba cheme.

Job Tɔn 10:12

He nyin mɛ dɛ tɛ mɛ mkpa, dɛ nyiŋi n nɛɛ kɛrɛdɛ n ta do le.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Yela 102:10

he bandia kohona nomanta, he laɡ mɛ dɛ ɡɔɔ mɛ viɡri.

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?