Yela 30:1 - mzwDBL

¹ N Naa Korowii, mɛɛ kpɛɛree, dɛkalkɛ he lɛɛ mɛ, he ta ɡelɛ n dɔma mam mɛ.

Yela 30:1 ပူးပေါင်းရင်းမြစ်များ

Yela 25:2

Korowii maa dɛ tomɛ, he nɛɛ n kpɔ n te dawɛ. Bɛ ɡel sihiih kpo mɛ, kɛɛ dɛ́ ɡel n dɔma pɔ n nɛ.

Yela 35:19

Bɛ ɡel nɛra baa hah mɛ pɛɛpɛɛ la di n loro, bɛ ɡel ba sie lɛ, n suna maa dɛ di nɔ ta.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Yela 140:8

bɛ ɡel nɛnchɔɡa dɔ ba tetoowa, bɛ ɡel ba vɔrɔwa baa dɛ vɔrɔwe maɡre, asɛ baa ɛ mbarafo a wa.

Yela 13:4

a ba ɡɛ naa, n dɔma ɛɛ ŋɔɔ ba pɔ n nɛ, n horaa, baa hɛɡroo.

2 Samoɛl 5:11

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Yela 145:1

N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.

Yela 79:10

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ dɔɔ nɔɔ?” Tɛr nɛra baa kpoo he bonɔɔna deŋne, ya siwi ta bonɔ.

Yela 41:11

N jemɔ kɛŋɔ he sie lɛ n nɛ, dɛkalkɛ n dɔma ta wone pɔ n nɛ.

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

1 Webena 21:6

Joab ta Lewi dea tena ne Bɛnjamen dea tena kure ja, dɛkalkɛ dɛ kooro waa la aa somɛ o be.

2 Samoɛl 24:25

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah, ne deŋnesɔɔhna sarahare tɛo. Asɛ Korowii na Israel tena sum dɛ ɡel weechɔɡa la le harɛ la ta, nɛra aa serewe kpa.

2 Samoɛl 7:2

Belaa o ŋɔ Korowii keame bɛl baa dɛ yerɔ Netan be ŋɔ, “N soɡe koodem baa kpɔ peleme daa kwaaro bini, asɛ Korowii Ne Nɛwɛnyina Fɔo Daka la te ta che tɛnte dea bini.”

2 Samoɛl 6:20

A habɔɔ Kooro Devid aa kaa dem dɛ ka soŋe andɛɛɡa tɛ o dem tena la, Kooro Sɔɔl bihaah Mikal leɔ ba chemo dɛ ŋɔ, “Na ɡɛ Israel kooro aa lɛ sɔn tɛ o te fini ɡɛ. O ɛ o te kɛ ɡɛne dɛɛ sa o bitoli sie!”

Mmarare 20:5

Ásɛ laa sitɔɔla la ŋɔ laa tena la be ŋɔ, ‘Dɛ bɛlbwa do demfale o ta on pile dɛ ka so o ta mɔɔ naa, ó berɛ kaa dem. Dɛ ɡɛ laa o kaa ka laa la ta naa, nɛnfalee dɛ́ pili dea la, dɛ́ so o ta.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Yela 66:17

N wio noo ŋɔ ó cha mɛ, asɛ dɛ ɡo kpɛɛra yela tɛo.

2 Samoɛl 20:3

Kooro Devid aa bera kaa o koodem Jerusalam la, o lawɛ o sɛnanar fi baa dɛ daah koodem la do dea, baa daah ba. Dɛ o dɛ tɛɛ ba komɛlbwa kɛ dɛ o ne baa chɔ. Ba chɔ dea ka tel ba serewe wee, kɛŋɔ luhaahna ken.

1 Koranar 8:63

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ dɛ kpɔ Dea la do Korowii nɔn ta.