Yela 3:4 - mzwDBL

⁴ N wio no Korowii takpeɡ ne, asɛ o no n be o deŋɡare waa do ɡoroŋ la ta.

Yela 3:4 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Yela 119:114

Henee n chwa baa marɛ hɛɛ tɔ mɛ ɡbemɡbe, n kpɔ n hwɛɡa bwa do he waa la ta.

Yela 138:3

Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.

Yela 18:3

N wio no hen Korowii waa chɛ kpɛɛra la, asɛ he lɛɛ mɛ le n dɔma nɔn ta.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 34:4

N soŋe Korowii, asɛ o chaŋ mɛ, dɛ lɛɛ mɛ le ɔmewa bɛlbwa ta.

Yela 34:6

Nɛŋɡwɛɡra wio no Korowii, o no ba be, dɛ lɛɛ ba le ba wenaale bwa ta.

Yela 43:3

Kpɔ he nii waa do kɛ kandea, ne he kasinteŋ ba tɔ n sie, ba n ne he bwe waa do ɡoroŋ la ta, he Dea bela haa lole la.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Yela 84:12

Nemenɛ Korowii, nomɛlbwa waa kpɔ o te dawɛ he nɛɛ la, o na som.

Yela 89:19

N Naa Korowii, saŋ la he pili he waa bini baɡle he nɛndɛɛɡa ŋɔ, “N tɛ banyoo bɛl kpeɡri, n kpɔ kora tɛ nɛn maa leo cheɡ le nɛra bini.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Sɛɡla 2:7

Onee dɛɛ cha nɛn o wa aa toɡra, dɛɛ tɔ nɛn o ŋwɛnɛre aa wera ɡbemɡbe.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Wiile 3:56

He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.

Matiu 7:7

Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Jems 5:13

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.