Yela 3:3 - mzwDBL

³ N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

Yela 3:3 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 40:13

Tɔpetooro wee la, kooro ɛɛ lee dɛ́ berɛ kaa he ne he tombena ta. Ásɛ he kpɔ kooro numol do o nɔn ta kɛŋɔ he fa aa dɛ doo sen la.

2 Koranar 18:30

He bɛ o nɛɛ teŋɛ, dɛ́ ɡel hé kpɔ he te dawɛ Korowii nɛɛ ŋɔ, wɛɛ lɛ heyaa, waa bwɛjen nɔɔ kpɔ do Asiiria koojen nɔn ta.

2 Koranar 18:32

Ásɛ mɔɔ koojen la ba kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo. O ɛ harɛ ɔleve no ne tooh aa lɔ o ta kohona. Hé teŋɛ waa koojen la aa do heyaa a ta la tenaa, hɛɛ dɔ he nyuunee. He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

Yela 110:7

Kooro la ɛɛ nyɔ nee ŋwɛnɛ nyoa nepale taa, dɛ́ dɔ bokpeɡa, dɛ́ yo o dɔma dɛ́ pɔ ba nɛ.

Yela 119:114

Henee n chwa baa marɛ hɛɛ tɔ mɛ ɡbemɡbe, n kpɔ n hwɛɡa bwa do he waa la ta.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yela 27:6

Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 4:3

Hé jemɛ kɛŋɔ Korowii le nɛn, o wa aa toɡra tɛ o te biɡri. Saŋ bɛlbwa maa wi noo la, o dɛ no.

Yela 62:7

Korowii nɛɛ mɛɛ hwɛɡɛ, wɛɛ lɛɛ mɛ dɛɛ tɛ mɛ jirima, onee do kɛ Bwetal maa chwaa kaa marɔ.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 60:19

Haa wee nyin kɛ tɔɔ peraa, o chaah tɛɛ kpa. Haa korobie ɡee nyin kɛ o chaah tɛɛ jwaana ɡe. Men Korowiirii dɛɛ ba he nɛɛ chaahna saŋ bɛlbwa, n jirima do he nɛ.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Mmarare 33:29

Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.