Yela 29:3 - mzwDBL

³ Korowii taa bɔle mpo ta, Korowii waa dɔ jirima kɔrɔ kɛŋɔ bwaala ken, a ka le mpo ta bobɛlbwa.

Yela 29:3 ပူးပေါင်းရင်းမြစ်များ

Kaala 9:33

Mosis aa le Ijipt kooro be dɛ le bwɛɛ la ta la, o ɡɔɔ nɔɔra nyundua dɛ soŋe Korowii. Belaa bwaala kɔɡra, ne dombwea leera dɛ bwaala la bwa ɡel.

Kaala 9:28

Soŋe Korowii tɛ yaa. Bwaala kɔɡra ne dombwea la ɡwaalɔ to. Mɛɛ ɡeloo he kaa, maa heyaa lawɛ so kpa.”

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 16:18

Asɛ bwaala ɛɛ nyɛɡle pelɔpelɔ bobɛlbwa, dɛɛ jiɡri, dɛɛ kɔɡre, asɛ harɛ jiɡri kohona. Korowii aa ta nɛwɛnyini bwa, harɛ ta ɡɛ jiɡre bwa. O jiɡra la ɔma.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.

Yela 104:3

dɛ ma he sobɔr baama baŋ nyundua. He kpɔ baama berɛ kon waa do kɛŋɔ torɔɡo, dɛ so o bini dɛɛ kaa, a do kɛŋɔ peu aa dɔ kena dɛɛ kaa he ne la ken.

1 Samoɛl 7:10

Waa dɛ fuh saraha kon la, dɛ Filisti tena la kpɔ ba te dɛɛ ba ba puu ba yo. Asɛ Korowii ɡel bwaala kɔr kohona jo Filisti tena la bini, ɔmee chole ba nɛɛ ba wili, dɛ kpɔ bambiteŋa chwa le Israel tena sie.

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Wepila 8:5

Asɛ nyundua torome la kpɔ kon la baa kpɔa dɛɛ fuh daawiile la, dɛ buh konsɔɔhsoma fuih bɔr nii la ane dɛ kpɔ ta harɛ. Asɛ bwaala jiɡri dɛɛ kɔɡre, dɛɛ nyɛɡle bobɛlbwa pelɔpelɔ ken, asɛ harɛ ɡe ɛɛ jiɡri.

Amanesoma Jɔn Aa Chwera Tɔn 12:29

Nɛnlaa baa ja o nɛɛ bela la aa no taa la, bane ŋɔ bwaalaa kɔra, asɛ bane ɡe ŋɔ nyundua torome bɛlee bol waa o be.

We-ɛɛla 7:2

Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,

Job Tɔn 36:33

Bwaala kɔra dɛ tɔ sie ásɛ dompeu teŋɛ, ásɛ nae bwa jemɛ o bala wa.”

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?