Yela 28:7 - mzwDBL

⁷ Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 28:7 ပူးပေါင်းရင်းမြစ်များ

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Yela 40:3

O kpɔ yelfale do n nyoa, kpɛɛra yel waa dɛ baɡle kɛŋɔ, Korowii yaa dɛ tomɔ la kan. Nɛra ɡalɡa ɛɛ na waa waa ɛa, dɛ́ kpɔ ba te dawɛ o nɛ.

Yela 13:5

N kpɔ n te dawɛ he nyina waa wola jaɡa dɔe la ta, n sie dɛ lɛ, lɛɛ haa dɛ lɛɛ mɛɛ la ta.

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Yela 69:30

Mɛɛ ɡo yelaa kpɛɛ Korowii sɔn, dɛ́ kpɔ jam tɛo o kan waa doa wa.

Yela 22:4

He nɛɛ ya naawa hwɛɡɛ, ba kpɔ ba te dawɛ he nɛ, asɛ he lɛɛ ba.

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Yela 3:3

N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

Yela 21:1

N Naa Korowii, kooro dɛ hɛɡre bokpeɡa haa tɛo wa. O sie lɛo kohona pɔe haa ɡela o pɔ o dɔma nɛɛ la wa.

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 33:21

Ya dɛ hwɛɡɛ o sɔn waa do ɡoroŋ la ta, anomanta, ya dɛ hɛɡre.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Yela 19:14

N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Yela 3:4

N wio no Korowii takpeɡ ne, asɛ o no n be o deŋɡare waa do ɡoroŋ la ta.

Yela 13:6

N Naa Korowii, mɛɛ ɡo yelaa kpɛɛre, kɛ haa ɛɛ mɛ wedɛɛɡa ɡa la.

Yela 37:39

Korowii dɛ lɛ nɛra ba wa aa toɡra, dɛɛ lɛɛ ba ba wenaale ta.

Yela 43:2

Henee dɛɛ tɔ mɛ ɡbemɡbe. Ɛrɛɛ he vɛɛh mɛ nɔɔ? Ɛrɛɛ n dɔma ɡel n bwara ɛɛ nyɛɡ, dɛɛ muɡli n baah nɔɔ?

Yela 46:2

Dɛ harɛ jiɡro kwaraa, bwejena chuɡri ka le mpo vile ta,