Yela 28:2 - mzwDBL

² No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.

Yela 28:2 ပူးပေါင်းရင်းမြစ်များ

Yela 138:2

Mɛɛ kpɔ sie pa he Dea waa do ɡoroŋ la taa, dɛ́ ba harɛ dɛɛ kpɛɛre, he nyina aa wola jaɡa dɔe, ne kasinteŋ dɔe la wa. Dɛkalkɛ he sɔn ne waa haa ŋɔa hɛɛ ɛo kan ɡwaa komɛlbwa.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Yela 140:6

N ŋɔ n Naa Korowii be ŋɔ, “Henee Korowii maa dɛ tomɛ.” No n wii dɛ́ cha mɛ!

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Yela 5:7

Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Wiile 2:19

Ir jwaana bɛlbwa dɛ́ɛ wi, dɛ́ɛ yerɛ Korowii ó chae. Pili he bambile dɛ́ɛ soŋo ó sune he bii nɛ, bechale lɔr aa kpo ba ba serewe chɔ fɔɡbaahna la wa.

Yela 143:6

N ɡɔɔ nɔɔra dɛ wi dɛɛ noe, n bambile lawɛ kɛŋɔ harɛ hole aa hiah nee ken.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 63:4

Mɛɛ kpɛɛree n soɡa bini bwa, mɛɛ ɡɔɔ n nɔɔraa nyundua, dɛ́ kpɔ n wesoŋa bil he sie.

2 Webena 6:13

Dɛ Kooro Solomɔn ɛ ayaawa ɛ komɛl baa dɛ che o ta Dea la dembaah. O jaŋne lɔ naɡale anuanɛ ne tama, o paɡri ɛ naɡale anuanɛ ne tama, o jaŋne dɛ́ kaa nyundua ɡe ɛ naɡale anaarɛ ne tama. O baa ɡuŋi o ta Israel nɛra la bwa sie dɛ paɡri o nɔɔra nyundua.

1 Koranar 8:38

nɛra yaa ɛ he nɛra nɔ bini bɛlbwa koh a waa le o bambile ta dɛ ir nɔɔra nyundua chaɡɛ he Dea nɔ dɛ soŋe naa,

1 Koranar 6:19

O kwaa bɔr Korowii Dea la bini tenten, o do Dea la habɔɔ, dɛ́ kpɔ Korowii Ne Nɛwɛnyina Fɔo Daka la cheɡ.

1 Koranar 6:5

Ba ma deene sawɛ Korowii Dea la, ne danjwɛɛ waa lɔ o bini tenten la dɛ bar o bwa dɛ ma dejeɡre sarawa.

Yela 130:2

No n wii maa wia dɛɛ yerɛ. Cheɡ deŋne no n be, dɛ́ ba cha mɛ.

Yela 141:1

N Naa Korowii, n dɛ yerɛ, ba dɛ́ ba lɛɛ mɛ warane. No n wii maa dɛ wi, dɛ́ no n be.

Daneɛl 6:11

Belaa nɛra baa la kooro be o do mmara la pɛ, dɛ la ka na kɛŋɔ Daneɛl ɡuŋo dɛɛ soŋe Korowii kɛŋɔ ó chao.