Yela 27:9 - mzwDBL

⁹ bɛ he te kpɔ sɔɔh mɛ.” Bɛ ɡel he baah di men maa ɛ he bonɔɔ nɛ. Henee dɛɛ cha mɛ, bɛ men vɛh, dɛ berɛ habɔɔ kpo mɛ. N Naa Korowii, henee n Lɛɛ.

Yela 27:9 ပူးပေါင်းရင်းမြစ်များ

Yela 69:17

Bɛ he sie laa kpɔ men maa ɛ he bonɔɔ nɛ, n lɔ wenaale kohona bini, ba dɛ́ ba cha mɛ warane!

Yela 143:7

N Naa Korowii, chaŋ mɛ warane, dɛkalkɛ n hwɛɡa bwa tonɔ. Bɛ sie laa kpɔ n nɛ, ɡɛ laa aa, mɛɛ doo kɛŋɔ nɛra baa serewa kaa lalabwɛɛ ken.

Yela 102:2

Dɛ waa puu mɛ naa, bɛ sie laa kpɔ n nɛ. Cheɡ deŋne no n be, dɛ́ chaŋ mɛ warane.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Yela 24:5

Gɛ te laanee Korowii ɛɛ ba andɛɛɡa sweera tɛ dɛ́ lɛo, dɛ́ pao bole.

Yela 119:121

N ɛ wa aa toɡra dɛ do wer, bɛ men ɡel tɛ n dɔma.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Yela 51:11

Bɛ men doŋi le he sie, kɛɛ dɛ́ laa he Doma kpɔ n nɛ.

Yela 44:24

Ɛrɛɛ he kpɔ sie sɔh yaa nɔɔ? Bɛ ya dɔma wenaale baa do yaa a ta la soh.

Yela 13:1

N Naa Korowii, saŋ besoo hɛɛ ba n waa soeh ka tel ɔ? Hɛɛ soh n waa kwaraa kɛɛ? Hɛɛ laa sie kpɔ n nɛɛ biɡri kɛɛ?

1 Samoɛl 7:12

Ate, Samoɛl kpɔ bwe bɛl pa Mispa ne Sɛn baah ta. Dɛ pa o sɔn Ɛbɛneesa dɛ ŋɔ, “Bonɔɔ Korowii cha yaa ya ba tel.”

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Aesaya 59:2

He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.

Yela 69:18

Ba n be dɛ́ ba lɛɛ mɛ, lɛɛ mɛ le n dɔma nɔn ta.

Yela 102:3

N tɔpera dɛ kaa warane kɛ chuu, n hoɡa bini ɛɛ wee mɛ kɛŋɔ hɔla aa dɛ fuh ken.