Yela 27:6 - mzwDBL

⁶ Anee dɛ́ ɡel n baŋa pa, n dɔma baa bar mɛ cheme la nɛ. Mɛɛ kpoo kwaa ɛ sarahare tɛɛ he Dea bela silɛɛ lɔŋɔre ne, dɛ́ ɡo yela kpɛɛre.

Yela 27:6 ပူးပေါင်းရင်းမြစ်များ

Yela 3:3

N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Yela 107:22

A chɛ kɛ bá kpo kwaa ba ɛ sarahare dɛ́ jam Korowii, dɛ́ kpɔ silɛɛ ɡo yela baɡle waa waa ɛa.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

2 Samoɛl 22:49

dɛ lɛɛ mɛ le n dɔma be. N Naa Korowii, he ɡelɔ n pɔ n dɔma nɛ, dɛ lɛɛ mɛ le naɡrenyine nɔn ta.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Yela 95:1

Hé ba ya kpɛɛ Korowii! Hé ɡel ya ɡo silɛɛ yela kpɛɛro, onee do kɛ Bwetal ya chwa kaa marɔ.

2 Samoɛl 7:9

N ja he nɛ bobɛlbwa haa laŋa, dɛ yo he dɔma baa lɔ he sie dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

Jeremia 31:7

Korowii ŋɔ, “Hé ɡo silɛɛ yela tɛ Israel tena, ba harɛɛ kana harɛre bwa bini. Hé ɡo kpɛɛra yel ŋɔ, ‘Korowii lɛ o nɛra banɔ la baa kaa la bwa.’

Yela 138:5

Baa kpɔ waa haa ɛa laanee ɡo yela, dɛkalkɛ he jirima kan kohona.

Yela 110:7

Kooro la ɛɛ nyɔ nee ŋwɛnɛ nyoa nepale taa, dɛ́ dɔ bokpeɡa, dɛ́ yo o dɔma dɛ́ pɔ ba nɛ.

Yela 81:1

Hé ɡo silɛɛ yela kpɛɛ Korowii waa dɛ tɛ yaa bokpeɡa. Hé ɡo yela kohona kpɛɛ Korowii Israel tena aa dɛ tomɔ.

Yela 47:1

Harɛre bwa nɛra, hé lɔ kpaŋa, á baɡle kɛ he sie lɛo, hé do lɔŋɔre kpɛɛ Korowii silɛɛ yela ne.

Yela 21:13

N Naa Korowii, ya dɛ kpɛɛre he kpeɡri kohona wa, yaa ɡo yelaa kpɛɛre a wa.

Yela 21:1

N Naa Korowii, kooro dɛ hɛɡre bokpeɡa haa tɛo wa. O sie lɛo kohona pɔe haa ɡela o pɔ o dɔma nɛɛ la wa.

1 Webena 22:18

O ŋɔ ba be ŋɔ, “Kórowii haa dɛ tomɔ la ja he nɛ. O ta ɡelɛ he so deŋnesɔɔhna ta he bwara sɔɔh heya aa? O ɡelɔ n yo dɛ pɔ nɛra ba fa aa soɡe harɛ nɔ ta nɛ, ba do on Korowii ne ya lɔɡa.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

2 Samoɛl 22:1

Kooro Devid ɡo yel kpɛɛ Korowii ɡɛ saŋ waa lɛo le Kooro Sɔɔl ne o dɔma bwa nɔn ta.

Mumpar 40:13

Tɔpetooro wee la, kooro ɛɛ lee dɛ́ berɛ kaa he ne he tombena ta. Ásɛ he kpɔ kooro numol do o nɔn ta kɛŋɔ he fa aa dɛ doo sen la.

Mumpar 40:20

A habɔɔ tɔpetooro wee la, kooro la dɛ di o lola tɔpere, asɛ dɛ yerɛ o nomonome bwa. O le o sendoola nomoa la ne paanowɔɔra nomoa la, dɛ kpɔ ba ba o nɛra la sie.

Yela 3:4

N wio no Korowii takpeɡ ne, asɛ o no n be o deŋɡare waa do ɡoroŋ la ta.

Yela 57:8

Mɛɛ iruu che, dɛ́ kpɔ janjela ne kwaa bwa soo siwi lɔ yela! Mɛɛ feluu ir mɔɔ bɔr chaah.

Yela 119:108

N Naa Korowii, no n jaama maa dɛ jaame nɔ, dɛ́ chaɡ mɛ he Mmarare la.