Yela 27:5 - mzwDBL

⁵ Hɛɛ lɛɛ mɛɛ n wenaale tɔpere, dɛ́ kpɔ nɔn tɔ n nɛ he Dea dɛ́ laɡ mɛ sɔh bela, dɛ́ kpɔ n naa cheɡ bodɛɛɡe.

Yela 27:5 ပူးပေါင်းရင်းမြစ်များ

2 Webena 22:12

Jehoseba kpɔ Joas sɔh Korowii Dea bela bene anumɛl, ɡɛ saŋ haŋkooro Atalia aa dɛ nyiŋi harɛ la ta la.

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?

Yela 119:114

Henee n chwa baa marɛ hɛɛ tɔ mɛ ɡbemɡbe, n kpɔ n hwɛɡa bwa do he waa la ta.

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

Yela 17:8

Tɔ mɛ ɡbemɡbe kɛŋɔ, haa dɛ tɔ n siwinyiŋi ta la, kpɔ mɛ sɔh he kena lɔɡre kɛŋɔ, jal yon lawɛ o bii do lɔɡa la ken.

Yela 18:33

O ɡelɔ n nakpala do kɛŋɔ welo kwaa ken, dɛ ɡel n won bwejena dor cheɡa.

Yela 31:20

He kwaa ba dɛɛ sɔh he lɔɡa, dɛɛ le vɔrɔwa nɛnchɔɡa aa dɛ vɔrɔwe ba waa la wa. He laɡ ba dɛɛ sɔh he lɔɡa bela haa soɡa, dɛɛ lee ba ba dɔma chɛɡa nyoa.

Yela 31:21

N Naa Korowii, henee dɔ jam, dɛkalkɛ he baɡle he nyina kohona n nɛ, ɡɛ saŋ n dɔma aa bar mɛ cheme la.

Yela 40:2

O laɡ mɛ le lalabwɛ waa do kɛŋɔ bɔluŋ ta, n le seo nyoa. O kpɔ mɛ ba chɔŋɛ bwetal ta, n bwara sɔɔh mɛ, asɛ n che kiŋkiŋ.

Yela 40:3

O kpɔ yelfale do n nyoa, kpɛɛra yel waa dɛ baɡle kɛŋɔ, Korowii yaa dɛ tomɔ la kan. Nɛra ɡalɡa ɛɛ na waa waa ɛa, dɛ́ kpɔ ba te dawɛ o nɛ.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 61:2

N lɔ bojaŋ harɛ jaɡa, dɛ di suna wi dɛɛ noe! Laɡ mɛ kaa bela maa ka dɔ n nyu,

Yela 61:3

dɛkalkɛ henee kpɔ nɔn dɛɛ tɔ n nɛ, dɛ do kɛ danjwɛkpeɡ n dɔma sie.

Yela 77:2

Gɛ saŋ wa aa puu mɛ la, n wio no Korowii, n ɡɔɔ nɔɔra jwaana bwa dɛ soŋo, kɛ n ta bolarawa bɛlbwa dɔe.

Yela 83:3

Ba sɔɔh dɛɛ vɔrɔwe he nɛra vɔrɔwa, ba dɛ vɔrɔwe nɛra haa kpɔ nɔn tɔ ba nɛɛ la vɔrɔwa.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Aesaya 26:20

Anomanta, n nɛra, hé ka jo he deene, dɛ́ laa ɡbeni tɔ he nɛ. Hé kpɔ he te sɔh tama ka tel kɛŋɔ Korowii baah aa sɔɔhna.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Kolosi 3:3

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.