Yela 27:1 - mzwDBL

¹ Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 27:1 ပူးပေါင်းရင်းမြစ်များ

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

Yela 118:6

Korowii ja n nɛ, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Yela 62:6

O ɡboo do kɛŋɔ Bwetal, n chwa kaa marɔ wɛɛ lɛɛ mɛ, onee cheɡɛ n habɔɔ, maa chole bwa.

Yela 18:28

N Naa Korowii, henee ɡela bɔr chaah n sie mɛɛ na, he ɡelɔ n le biro ta ba bochaah ta.

Job Tɔn 29:3

ɡɛ saŋ waa ɡela n ŋwɛnɛre chaah dɛ ɡel n won valɛ biro ta!

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Yela 118:21

N Naa Korowii, mɛɛ kpɔ jamee tɛɛ, dɛkalkɛ he no n be dɛ lɛɛ mɛ.

Yela 19:14

N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Yela 62:2

O ɡboo do kɛŋɔ Bwetal, n chwa kaa marɔ wɛɛ lɛɛ mɛ, onee cheɡɛ n habɔɔ, maa chole bwa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Aesaya 2:5

Jekɔb naanar, hé ɡel yaa valɛ Korowii waa aa chaahna o kpɔ dɛɛ tɛ yaa la ta.

Yela 18:46

Korowii lole kɛrɛdɛ! Korowii waa do kɛ Bwetal la, hé kpɛɛro! Onee n chwa kaa marɛ. Hé ɡel Korowii waa dɛ lɛɛ mɛ la sɔn le.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Amanesoma Jɔn Aa Chwera Tɔn 1:9

Korowii Nyoa Wobol laanee nii kasinteŋ waa dɛ ba harɛ nɔ ta dɛ́ ba pili nɛwɛnyini sie la.

Wepila 7:10

dɛ kpɔ takpeɡ dɛɛ ŋɔ, “N Naa Korowii waa soɡe kookara ta la ne Pebie laanee lɛ yaa oo!”

Amanesoma Luk Aa Chwera Tɔn 2:30

dɛkalkɛŋɔ n siwi na ya Lɛɛ,

Yela 11:1

Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,

Yela 3:8

N Naa Korowii, henee dɛɛ lɛ nɛra, swee andɛɛɡa tɛ he nɛra.

Amanesoma Luk Aa Chwera Tɔn 3:6

Nɛwɛnyina bwa ɛɛ nao ɡɛ lɛɛ Korowii aa dɛ ba yaa lɛɛ la aa doa.”

Matiu 8:26

Anee Yeesu ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Haa men yarada kwaraa!” Asɛ o den ir, dɛ kɔr peujen la ne nehɛma la ŋɔ á ɡel ɡɛ. Waa bol ɡɛ la, dɛ bɔr denɔ hel kerkerker ken.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Yela 43:2

Henee dɛɛ tɔ mɛ ɡbemɡbe. Ɛrɛɛ he vɛɛh mɛ nɔɔ? Ɛrɛɛ n dɔma ɡel n bwara ɛɛ nyɛɡ, dɛɛ muɡli n baah nɔɔ?

Mmarare 7:18

He bɛ ban ɔmɛ, hé lii ɡɛ Korowii haa dɛ tomɔ aa ɛ Ijipt kooro ne o harɛ nɛra bwa la.

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.

Yela 18:29

He tɛ mɛ kpeɡri n won yo n dɔma, dɛ cha mɛ n jah ɡale ba danjwɛjen baa maa bar ba bwɛ.

Jeremia 20:11

Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.