Yela 26:1 - mzwDBL

¹ N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Yela 26:1 ပူးပေါင်းရင်းမြစ်များ

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

Sɛɡla 20:7

Nɛn o wa aa toɡra o bwara aa wola wechɔɡe bɛlbwa dɔe la, o seo habɔɔ, o bii dɛ na som.

Yela 21:7

Kooro la dɛ hwɛɡɛ hen Nemenɛ Korowii nɛ, he nyina aa wola jaɡa dɔe la ɡelɔ o dɔ deŋnesɔɔhna saŋ bɛlbwa.

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

Hibru 10:23

dɛ́ lawɛ hwɛɡa yaa dɔa la bini kpoŋe kiŋkiŋ, dɛ́ bol baɡle nɛra yaa wola ɔmɛ tama bɛlbwa, dɛkalkɛŋɔ naate waa baɡɛ yaa nyoa la waa dɔ kasinteŋ.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Yela 121:3

Waa ɡel he lɔ naa dɛ́ chole. Korowii waa kpɔ nɔn tɔ he nɛɛ la aa dom chɔ.

Yela 94:18

Asɛ n ŋɔ, “N keero dɛɛ ba chola,” kɛ Korowii nyina aa wola jaɡa dɔe la laɡ mɛ kpoŋe.

Yela 62:6

O ɡboo do kɛŋɔ Bwetal, n chwa kaa marɔ wɛɛ lɛɛ mɛ, onee cheɡɛ n habɔɔ, maa chole bwa.

Yela 62:2

O ɡboo do kɛŋɔ Bwetal, n chwa kaa marɔ wɛɛ lɛɛ mɛ, onee cheɡɛ n habɔɔ, maa chole bwa.

Yela 54:1

N Naa Korowii, che he sɔnjen la ta, dɛ́ lɛɛ mɛ, che he kpeɡri ta, dɛ́ pa mɛ bole!

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Yela 37:31

Korowii baa dɛ tomɔ Mmara lɔ ba bambile bini, baa an kpɔe dɛɛ ta bwa.

Yela 35:24

N Naa Korowii, che toɡra he wa aa toɡra ta, dɛ́ pa mɛ boldɛɛɡe, bɛ ɡel n dɔma mam mɛ.

Yela 31:14

Kɛ n Naa Korowii, henee mɛɛ yarada, henee Korowii maa dɛ tomɛ.

Yela 26:11

Kɛ n te, n waa toɡrɔ, sune n nɛ, dɛ́ lɛɛ mɛ!

Yela 25:21

N dɛ soŋe, ɡel kasinteŋ ne wedɛɛɡa ɛɛ tɔ n nɛ, he nɛɛ n kpɔ n te dawɛ.

Yela 25:2

Korowii maa dɛ tomɛ, he nɛɛ n kpɔ n te dawɛ. Bɛ ɡel sihiih kpo mɛ, kɛɛ dɛ́ ɡel n dɔma pɔ n nɛ.

Yela 15:2

Naate waa dɛ teŋɛ Korowii waa ta dɛɛ ɛ waa aa toɡra, dɛɛ bol kasinteŋ o bambile bwa ne la,

Yela 4:5

He ɛ sarahare Korowii aa ŋɔa la ásɛ dɛɛ yaradao.

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.

Job Tɔn 2:3

Ate, Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, dɛ laa o te dɛɛ kpɔ wechɔɡa ta. He ba n be ŋɔ n tɛɛ ŋwɛnɛ he ka chɔɡo, dɛ o ta waane ɛɛ, kɛ ane a bwa, o waa ta toɡrɔ.”

Job Tɔn 4:6

He tomɛ Korowii, wechɔɡa bɛlbwa aa wola toole he nɛ, a chɛ kɛ hɛɛ yarada dɛ dɔ hwɛɡa.