Yela 25:7 - mzwDBL

⁷ N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Yela 25:7 ပူးပေါင်းရင်းမြစ်များ

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Job Tɔn 13:26

He chwerɛ n bwara waa aa wola were, hale anɔ la maa ɛa n bonɔɔne saŋ.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Hibru 8:12

Mɛɛ sune ba nɛɛ dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa.”

Yela 109:26

N Naa Korowii maa dɛ tomɛ, cha mɛ, koh he nyina aa wola jaɡa dɔe bwa la waa dɛ́ lɛɛ mɛ.

Yela 79:8

Bɛ ya naawa wechɔɡa baa ɛa kpɔ tɛr ya deŋne. Na ya sum warane, ya hwɛɡa bwa tonɔ.

Yela 31:16

Sune men maa ɛ he bonɔɔ nɛ, che he nyina aa wola jaɡa dɔe la ta, dɛ́ lɛɛ mɛ.

Yela 6:4

N Naa Korowii, ba lɛɛ mɛ. Che he nyina aa wola jaɡa dɔe la ta, dɛ́ lɛɛ mɛ le seo ta.

Job Tɔn 20:11

Ba bonɔɔne saŋ bokpeɡa la, ba ne anee dɛ́ ka chɔ teera bini.

Amanesoma Jɔn Aa Chwera Tɔn 5:14

A habɔɔ la, Yeesu na baa la Korowii Dea asɛ dɛ ŋɔ o be ŋɔ, “He nao kenɛ, taraken haa dɔ bokpeɡa nɔ, ɡel wechɔɡa ɛɛ, ásɛ anɔ la aa ɡwaa loɡla kwaa la bɛ he nɛɛ ba chiɡ kpa.”

Amanesoma Jɔn Aa Chwera Tɔn 5:5

Dɛ baa bɛl ja weela tena la nɛɛ o weela do o nɛɛ bene fifraatoro dɛ anuatoro dɛ o ta chaeh dɔe.

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Yela 119:124

Kpɔ he nyina aa wola jaɡa dɔe la nyin mɛ, dɛ́ chaɡ mɛ he Mmarare la.

Yela 109:16

Dɛkalkɛ dɛ waa wedɛɛɡa lii, dɛ o dɛ kpoo dɛɛ do nyaara ne nɛŋɡwɛɡra, dɛ banɔ la ba bambile aa chɔɡa hɔhɔrɔwa.

Yela 109:14

N Naa Korowii, lii o naawa wechɔɡa o sie. Bɛ o nya wechɔɡa kpɔ kɛo bwa.

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Yela 106:4

N Naa Korowii, he dɛ ba he nɛra chae yaa, lii n wa, he dɛ ba ba lɛɛ yaa, he cha n ɡe,

Aesaya 48:11

N ɡbaɡba waa n ɛa ɡɛ. Maa ɡel n sɔn chɔɡ, maa ɡel he kpɔ jirima aa chɛ mɛ la tɛ nomɛl.”

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”