Yela 25:4 - mzwDBL

⁴ N Naa Korowii, baɡ mɛ he ŋwɛnɛre, ásɛ n jemɛ dɛɛ kpɔ a ta.

Yela 25:4 ပူးပေါင်းရင်းမြစ်များ

Yela 86:11

N Naa Korowii, chaɡ mɛ he ŋwɛnɛ, ásɛ n tomɛ kasinteŋ ne. Gel n kpɔ bambibeŋkpoŋ tomɛ, dɛɛ ɔmɛ he sɔn.

Yela 27:11

N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.

Yela 143:8

Dɛɛ lii mɛ he nyina aa wola jaɡa dɔe la chɔɔ bɛlbwa, dɛkalkɛ he nɛɛ n kpɔ n te dawɛ. Henee n wi dɛɛ no, baɡ mɛ ŋwɛnɛ maa kpɔ o ta.

Yela 5:8

N Naa Korowii, n dɔma warɔ kɛrɛdɛ! Tɔ n sie ń ɛ anɔ la aa too he tea, ɡel n na he wa dɛɛ teŋɛ a ta.

Kaala 33:13

He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”

Yela 119:27

Cha mɛ ń won no he waa la mun, ásɛ mɛɛ lii he nyokpowe-ɛɛla la.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Sɛɡla 8:20

Waa aa toɡraa mɛɛ ɛ, dɛɛ teŋɛ kasinteŋ ta,

Yela 5:1

N Naa Korowii, cheɡ deŋne dɛ́ no n wesoŋa, dɛ́ no n hima maa dɛ hime nɔ.

1 Koranar 8:36

noa nyundua bela haa soɡa la, dɛ́ kpɔ he bonɔɔna yaa ɛ he nɛra wechɔɡa kɛ yaa, dɛ́ baɡle yaa ɡɛ yaa so sodɛɛɡa. Ásɛ he nɛ bwaala harɛ haa kpɔa tɛ yaa o ɛ ya kapɛrɛ kon la ta.