Yela 24:5 - mzwDBL

⁵ Gɛ te laanee Korowii ɛɛ ba andɛɛɡa sweera tɛ dɛ́ lɛo, dɛ́ pao bole.

Yela 24:5 ပူးပေါင်းရင်းမြစ်များ

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Galaasia 5:5

Ya te ken nɔ, ya cheɡɛ yarada yaa dɛ yarada Yeesu Kristo la ta dɛɛ hwɛɡɛ kɛŋɔ Korowii Domadɛɛɡe ɛɛ ɡeloo ya ɛ nɛndɛɛɡa ya waa su Korowii siwi.

Galaasia 3:9

Yaradaa Abraham yarada Korowii asɛ o swee andɛɛɡa tɛo. Anomanta, nomɛlbwa waa yarada Korowii la, Korowii ɛɛ sweero andɛɛɡaa.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Aesaya 51:8

Ba bwa ɛɛ heo kɛŋɔ, sɛɛle aa di laala kɛɛ dudule aa dɛ chɔɡ yabii ken. Kɛ toɡra n wa aa toɡra ɛɛ do le saŋ bɛlbwaa, ásɛ lɛɛ maa lɛ nɛra la chɔ ka le naanar baa ka ba bwa.”

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Yela 68:19

Ya kpɛɛ Korowii yaa dɛ tomɔ, onee ya Lɛɛ la. Tɔpere bwaa wɛɛ nyiŋi ya nɛ, ya waa bwa dawɛ o nɛ.