Yela 24:4 - mzwDBL

⁴ Nɛn o we-ɛɛla aa wera, o tea to waa wola voɡa tomɛ, kɛɛ dɛɛ ŋwɛɛ saɡasaɡa.

Yela 24:4 ပူးပေါင်းရင်းမြစ်များ

Matiu 5:8

Nɛra ba tea bini aa toa la, ba na som, dɛkalkɛ banee dɛɛ ba Korowii nae.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Yela 73:1

Kasinteŋ, Korowii waa wer tɛ o nɛra Israel tena, banɔ la ba tea bini aa toa dɛɛ teŋɛ o waa ta la.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Yela 26:6

N Naa Korowii, n sarame nɔɔra, a baɡle kɛ n ta bolchɔɡe bɛlbwa dii, dɛ ka valɛ bar he saraha kon la dɛɛ tomɛ.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

Yela 18:20

Korowii bɔ mɛ kem ɡɛ n wa aa toɡra, o swee andɛɛɡa tɛ mɛ, dɛkalkɛ wechɔɡa bɛlbwa toole n nɛ.

Yela 143:8

Dɛɛ lii mɛ he nyina aa wola jaɡa dɔe la chɔɔ bɛlbwa, dɛkalkɛ he nɛɛ n kpɔ n te dawɛ. Henee n wi dɛɛ no, baɡ mɛ ŋwɛnɛ maa kpɔ o ta.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Ɛsekeɛl 18:6

waa kwaa Israel tena aa kpoora dɛɛ tɛ ba voɡa bwejena dor la di, waa ba voɡa ɡe tomɛ, kɛɛ waa o dɔŋ haah lawɛ dɛɛ chɔ, waa haah waa le dahara nyin,

Sɛɡla 20:9

Umee dɛ́ won ŋɔ, “N te tea bini too, wechɔɡa toole n nɛ kwaraa nɔ?”

Yela 25:1

N Naa Korowii, he nɔn taa n kpɔ n nyu dɛɛ do,

Job Tɔn 9:30

Hale n sɔ semina dɛ sarame nɔɔra o ne kwaraa naa,

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

Ɛsekeɛl 18:15

Waa kwaa Israel tena aa dɛ kpoora dɛɛ tɛ ba voɡa bwejena dor la di, kɛɛ dɛɛ tomɛ voɡa. Waa o dɔŋ haah lawɛ dɛɛ chɔ,

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Yela 51:12

Berɛ tɛ mɛ silɛɛ he lɛɛ haa lɛɛ mɛ la wa, dɛ́ tɛ mɛ bambidɛɛɡe ń won dɛɛ teŋɛ he waa ta.