Yela 24:3 - mzwDBL

³ Umee dɔ ŋwɛnɛ dɛ́ teeh kaa Korowii Dea, bela waa do ɡoroŋ ba le cheɡ dɛɛ tomɔ la ta nɔ?

Yela 24:3 ပူးပေါင်းရင်းမြစ်များ

Yela 15:1

N Naa Korowii, nɛn besooree dɛ́ won jo he Dea ɔ? Bamewaa dɛ́ won so Saayɔn waa ɛ he deŋɡare waa do ɡoroŋ la ta, dɛ́ tomɛ nɔ?

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Yela 65:4

Nɛra haa lee ba ŋɔ bá ba so he Dea bela la, ba na som. Ya sie ɛɛ lɛ kondɛɛɡa haa swee yaa a do he Dea waa do ɡoroŋ la taa.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Amanesoma Jɔn Aa Chwera Tɔn 13:36

Anee Seemɔn Pita pɛɛro ŋɔ, “N Dɔɔ, leperaa hɛɛ kaalɔ?” Asɛ Yeesu chaŋe ŋɔ, “Taraken nɔ, haa won teŋɛ n nɛɛ la bela maa dɛ kaa nɔ, kɛ he ta ɛɛ ba ti mɛɛ.”

Ɛsekeɛl 44:5

Korowii ŋɔ n be ŋɔ, “Nɛwɛnyini bie, cheɡ deŋne kɛrɛdɛ, dɛ́ no n mmarare ne waa bwa aa chɔ le tɛ n Dea la. Do sie dɛɛ nyiŋi doonyoo ne bɔra baa cheɡɛ a ta jo dɛɛ le a ta bwa.

Ɛsekeɛl 44:9

Anomanta, men Nemenɛ Korowii ŋɔ nɛŋhɔɔhra baa wola ba pena teŋe, baa wola men duu, ta chɛ kɛŋɔ bá jo n Dea la bini, hale nɛŋhɔɔhra baa soɡe he Israel tena bini.’ ”