Yela 22:7 - mzwDBL

⁷ Nɛra na mɛ naa, ba dɛ chɛɡ mɛ, dɛ di n loro dɛɛ viiɡi ba nyuune.

Yela 22:7 ပူးပေါင်းရင်းမြစ်များ

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Job Tɔn 16:10

Nɛra dɛ muɡli n baah ba dɛ warɛ dɛ bar mɛ cheme, dɛɛ kpaa n lwɛrɛme.

Job Tɔn 16:4

Dɛ he fe do ɡɛ maa doa nɔ, n ɡe do ɡɛ haa doa nɔ naa, n fe ɛɛ bol waa ɡwaa heya he kwaa la berɛ dɔ wesoma.

Yela 109:25

Ba na mɛ naa, ba dɛ muɡli n baah, dɛɛ viiɡi ba nyuune.

Yela 31:18

Gel nyosonteŋna la nyoa sɔɔh, mbarafo tena baa wola waa bu, dɛ bol wobochɔɡa dɛɛ yaɡɛ nɛra ba wa aa toɡra la.

Yela 44:14

Yanee harɛre tena bol waa dɛɛ yaɡɛ, ba nyiŋi yaa dɛɛ viiɡi nyuune.

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Aesaya 57:4

Ume loroo hɛɛ di nɔɔ? Ume baahnee hɛɛ muɡli dɛɛ mile he nyoo o nɛɛ nɔɔ? Deŋnekpeɡ tena naanar ne nyosonteŋna dwee laa heyaa?

Matiu 27:29

dɛ kpɔ sɔɔhne sɔh kooɡbɛrɛ piu, dɛ kpɔ daa bɛl do o nɔndiɡ ta, dɛɛ ɡuŋu harɛ kɛŋɔ baa dɛ ɛ kooro la dɛɛ taramo dɛɛ si, “Woowo, Juu tena kooro!”

Matiu 9:24

o ŋɔ ba be ŋɔ, “Hé bwa le dem bonɔ! Bie la ta sewɛ, domii o chɔ.” Waa ŋɔ ɡɛ la, ba mamɔ.

Amanesoma Mak Aa Chwera Tɔn 15:20

Baa muɡli o baah tonɛ la, ba laa yaswɛm la foo o bwara ta, dɛ kpɔ o ɡbaɡba laala la doo, dɛ kpɔɔ le dɛɛ kaa dɛ́ ka kpaaro pɛl daɡaɡre ta.

Amanesoma Mak Aa Chwera Tɔn 15:29

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao?

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Luk Aa Chwera Tɔn 23:11

Asɛ Kooro Hɛrɔd ne o soojare ɛɛ muɡli o baah dɛɛ mamɔ, dɛ ka kpɔ koowur ba doo dɛ berɛ kpɔɔ ka tɛ Paelet.