Yela 22:6 - mzwDBL

⁶ N ta nɛn ɛɛ kpa, n do kɛ sɔɡlɔ, nɛra baa hah mɛ, dɛɛ nyiŋi n nyubaah.

Yela 22:6 ပူးပေါင်းရင်းမြစ်များ

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Job Tɔn 25:6

bɔkwaa nɛwɛnyini waa do kɛŋɔ dudul kɛɛ sɔɡlɔ do o be nɔ?”

Yela 25:3

Nomɛlbwa toole dɛ kpɔ o te dawɛ he nɛ, he ɡel sihiih kpoo bwa, kɛ banɔ la baa vɛh he waa pɛɛpɛɛ la te, sihiih ɛɛ kpo baa.

Yela 31:1

N Naa Korowii, henee n chwa baa marɛ, bɛ ɡel n di sihiih, che toɡra he wa aa toɡra ta, dɛ́ lɛɛ mɛ.

Yela 31:11

N dɔma we-ɛɛla ɡelɔ n bala aa men komɛl yerɛ. N daamanar bwa dɛ ɔm mɛ, ba na mɛ fɔɡbaahna aa, dɛ ba dɛ chwa.

Yela 41:5

N dɔma dɛ bol n bwara wechɔɡe ŋɔ, “Bɛweeree ó sewɛ ásɛ o sɔn he te nɔ?”

Yela 88:8

He ɡelɔ n chamene tena chwa mɛ, baa n siwi ɡba nyin dɛ́ na. N do kɛ maa le bel ta, maa wola won chwa.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Wiile 3:30

Ó sɛh chɛɡa ne sihiih, dɛ lɔɔra bɛlbwa.

Matiu 11:19

Asɛ Men Nɛn Bie la te aa bala la, n di kwa, dɛ nyɔ sen ɡe, asɛ nomɛlbwa berɛ ŋɔ, ‘Hé na baa nɔ! Kondikondidii ne sennyɔɔree on. Toɔ lɛɛra baa dɛ bɔ nɛra apoo ne wechɔɡ-ɛɛraa ɛ o daamanar.’ ” Waa bol ɡɛ tonɛ la, anee o ŋɔ, “Wejereme bɛlbwa we-ɛɛla taa a che baa jemɛ kɛ o ɛ wejereme.”

Matiu 12:24

Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”

Amanesoma Jɔn Aa Chwera Tɔn 7:15

O webaɡla la ɛ Juu tena la nyokpoa kohona, asɛ baa bɔɔ dɔŋa ŋɔ, “Ɛrɛɛ ɡɛ baa nɔ won jemɛ anɔ bwa, dɛ o ta tɔnjereme ɛɛ nɔɔ?”

Amanesoma Jɔn Aa Chwera Tɔn 7:20

Belaa nɛnlaa la bane ŋɔ, “Dɛ kpoe nɛ? Jamɔ komɛl ɡale he sie. Umee dɛɛ nyini dɛ́ kpo ɔ?”

Amanesoma Jɔn Aa Chwera Tɔn 8:48

Belaa Juu tena la bɔɔro ŋɔ, “Nyosonee yaa teŋe kɛ yaa ŋɔa ŋɔ, he ɛ Samaria te kwa ɛɛ ir he nɛɛ la aa?”

Hibru 13:12

Gɛ tentenee Yeesu ɡe na wahala dɛ sewɛ bwɛjen Jerusalam dahara, asɛ dɛ kpɔ o chal dɛ laa doŋa kpɔ nɛwɛnyina nɛɛ ásɛ ba ɛ Korowii nɛra.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.