Yela 22:5 - mzwDBL

⁵ Ba wio noe, asɛ he lɛɛ ba le siswɛm ta, ba kpɔ ba te dawɛ he nɛ, he ta ɡelɛ a ɛ pɛɛ.

Yela 22:5 ပူးပေါင်းရင်းမြစ်များ

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

Yela 106:44

Kɛ baa lɔ wenaale ta la, he chaŋ ba dɛ no ba suna baa dɛ di.

Yela 31:1

N Naa Korowii, henee n chwa baa marɛ, bɛ ɡel n di sihiih, che toɡra he wa aa toɡra ta, dɛ́ lɛɛ mɛ.

Yela 71:1

N Naa Korowii, henee n chwa baa marɛ, bɛ ɡel sihiih kpo mɛ.

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Tɔn Pɔɔl Aa Chwerɛ Rom Tena 10:11

Korowii Tɔn baɡlɔ ŋɔ, “Nomɛlbwa waa yaradao la, sihiih aa o kpoe ba.”

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

Sitɔɔla 6:6

Midian tena la ɡelɔ Israel tena la nya komɛlbwa kwaraa, asɛ ba wi no Korowii ŋɔ ó cha ba.