Yela 22:3 - mzwDBL

³ N jemɔ kɛ he ɛ Korowii Waa Do Goroŋ dɛɛ di kora, henee Israel tena ɛɛ kpɛɛ.

Yela 22:3 ပူးပေါင်းရင်းမြစ်များ

Job Tɔn 19:7

N wio dɛɛ nyin nomɛl ó ba lɛɛ mɛ le n wenaale nɔ ta, n do lɔŋɔ, kɛ kasinteŋ te bɛlbwa toole dɛ́ chaŋ mɛ.

Job Tɔn 30:20

N Naa Korowii, n wio dɛɛ yerɛ kɛ haa men chaŋe, n iro che, kɛ he sie pa n nɛɛ pɛɛpɛɛ.

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 65:1

N Naa Korowii, henee chɛ kɛ yá kpɔ duure tɛɛ bwɛjen Saayɔn, dɛ́ chuɡri ya nyobaɡa yaa baɡɛ la,

Yela 88:2

No n wesoŋa, cheɡ deŋne, dɛ́ no n wii maa dɛ wi, dɛ́ cha mɛ.

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Habakuk 1:2

“N Naa Korowii, kera aŋwɛnɛɛ ń yerɛ ŋɔ hé cha mɛ mɔɔ he no, kɛɛ dɛ lɛɛ mɛ le naɡrenyine we-ɛɛla ta nɔ?

Mmarare 10:21

Hé kpɛɛro, onee Korowii haa dɛ tomɔ o ɛ wejena aa do ɔma kohona he na ka la.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”