Yela 22:29 - mzwDBL

²⁹ Nɛra baa dɛ ɛ mbarafo bwa ɛɛ ba tomɔɔ, nɛwɛnyina bwa ɛɛ ba ɡuŋuu.

Yela 22:29 ပူးပေါင်းရင်းမြစ်များ

Yela 113:7

O lawɛ nɛra dɛɛ le ba nyaa ta, dɛ lɛ nɛŋɡwɛɡra dɛɛ le ba sum ta.

Yela 45:12

Bwɛjen Taaya tena ɛɛ ba koŋkɛɛla nee ba tɛɛ, suuɡa tena ɛɛ nyin bá kpɔ ba kwaa ba di he liire.

Yela 73:7

Wechɔɡa su ba bambili, nyubinikpeɡ vɔrɔwa ɡbo waa swɛɛ ba siwi baa lii.

Yela 78:31

Korowii baah di ba nɛ, o kpoo ba bini nɛŋkpeɡa, bonɔɔna ba bwara aa kpeɡa kohona Israel harɛ ta la.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Aesaya 29:4

Wɛɛ lɔ heyaa bil harɛ, he chɔ dɛɛ bol wa, he taa ɛɛ le tama tama ken. He wobol ɛɛ doo kɛŋɔ lale wobol dɛɛ le harɛ bini, aa baŋee le kohona.

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Hosia 13:9

Israel tena, he serewɔ, dɛkalkɛ he ɛ wechɔɡa dɛ jo n nɛ.

Obadia 1:21

Jerusalam baala baa yoa dɛ le la ɛɛ ka yo Edom tenaa, dɛ́ kpɔ harɛ la dɛɛ nyiŋi o ta. Asɛ Korowii ɡbabir ɛ ba kooro.”

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Felepae 2:10

Yeesu Kristo sɔnjen la nomanta, nomɛlbwa ɛɛ ɡuŋi o siee dɛ́ kpɔ duure dɛɛ tɛo. Banɔ la baa lɔ nyundua, ne banɔ la baa lɔ harɛ ta, ne banɔ la baa serewa bwa, ɛɛ kpɔ duuree dɛɛ tɛo,

Wepila 21:24

Harɛ nɔ ta nɛra ɛɛ ba valɛ o bochaah la taa, ásɛ koranar baa lɔ harɛ nɔ ta ɡe kpɔ ba jirima baa dɔa la ba jo o ta.