Yela 21:8 - mzwDBL

⁸ Kooro ɛɛ kpɔ o nɔnee dawɛ o dɔma bwa nɛ, wɛɛ lawɛ nomɛlbwa waa haoh laanee.

Yela 21:8 ပူးပေါင်းရင်းမြစ်များ

Aesaya 10:10

Gɛ maa wona tɛr harɛre a voɡare aa wara dɛ ɡwaa bwɛjena Jerusalam ne Samaria voɡare deŋne la,

Yela 72:9

Nɛra baa lɔ pua hɛŋle ɡbo harɛ ta ɛɛ ba ɡuŋi o siee, ásɛ o dɔma chole chɔ bomboɡ ta.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

Yela 18:1

N Naa Korowii, mɛɛ ta tea tɛɛ dɛ́ nyin he wa, henee n Kpeɡnɛn.

Yela 2:9

Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”

2 Samoɛl 7:1

Kooro Devid baa so o koodem asɛ Korowii ɡel o dɔ bosɔɔhna dɛ le o dɔma baa baro cheme bwa be.

1 Samoɛl 31:3

Laa la baa do kpeɡri tɛ Kooro Sɔɔl, asɛ o dɔma la bɛl ta hɛm yaɡɔ dɛ doo bol kohona.

1 Samoɛl 25:29

Hale dɛ nomɛl dɛ nyini dɛ́ kpo kwara naa, Korowii haa dɛ tomɔ la ɛɛ kpɔ nɔnee tɔ he nɛ, kɛŋɔ nomɛl aa dɛ nyiŋi kondɛɛɡe bɛl o waa hiah la ken. Kɛ he dɔma te, wɛɛ viɡ baa kɛŋɔ vamtor bwea ken.

Yela 16:8

N dɛ na kɛŋɔ, n ne Korowii lole saŋ bɛlbwa. Maa ɔmɛ bwa, dɛkalkɛŋɔ o cheɡɛ n habɔɔ.

Yela 109:20

N Naa Korowii, tɛr n dɔm deŋne n wa, tɛr nɛra baa dɛ bol n bwara wechɔɡa la deŋne.