Yela 20:8 - mzwDBL

⁸ A ɡɛ nɛra nɔ ɛɛ lɔ naa, dɛ́ choɡli, kɛ ya te ɛɛ iruu, dɛ́ che kiŋkiŋ.

Yela 20:8 ပူးပေါင်းရင်းမြစ်များ

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.

Josua 11:4

Ate, koranar la bwa sɛh dɛ kpɔ ba laa tena pɛ, ne kwaa aa do kɛŋɔ torɔɡo ba vɔwa pɛl jaɡre dɛɛ yo ane la ba cheme. Laa tena la warɔ kɛŋɔ mpo nyoa hɛŋle ken.

1 Samoɛl 17:45

Anee Devid ŋɔ Goliat be ŋɔ, “Kere ne lampeaa he kpoŋe dɛɛ ba ba yoo mɛ, kɛ n te Korowii Waa Ɛ Koranar Bwa Kooro wɛɛ teŋɛ Israel laa tena nɛɛ he nyiŋu dɛɛ vah la sɔn nee mɛɛ ba dɛ́ ba yoi.

2 Koranar 19:23

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

2 Webena 14:10

Ate, Kooro Asa le, dɛ ka puu yo, bɛlbwa ne o laa tena cheɡɛ ba chebɔra Sɛfata Fɛlembɔjen bini, o bɛne Maresa.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Ɛsra 8:22

Dɛ sihiih dɛ kpo mɛ kɛ n soŋe laa tena ne nɛra baa soɡe jaɡre ta le koojen be ŋɔ, bá tɔ yaa ɡbemɡbe le ya dɔma baa lɔ ŋwɛnɛ ta la be, dɛkalkɛŋɔ ya ŋɔ koojen la be ŋɔ Korowii dɛ sune nomɛlbwa waa kpɔ o te dɛɛ tɛo nɛ, kɛ nɛra baa vɛoh la te, o baah ɛɛ diu kohona ó tɛr ba deŋne.

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Yela 33:17

Jaɡre baa soɡe a ta dɛɛ yo, aa won ɡel nɛn pɔ o dɔm nɛɛ laa ta, a bokpeɡa kohona laa dɛ́ won lɛ naate.

Yela 124:8

Korowii waa ta nyundua ne harɛ bee ya chae bwa le.

Sɛɡla 21:31

He dɔ jaɡre ɡɛ bɛlbwa dɛ won kpɔa yo aa, Korowiirii dɛ won ɡel he yo le.

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.