Yela 20:7 - mzwDBL

⁷ Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 20:7 ပူးပေါင်းရင်းမြစ်များ

Jeremia 17:5

Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Sɛɡla 21:31

He dɔ jaɡre ɡɛ bɛlbwa dɛ won kpɔa yo aa, Korowiirii dɛ won ɡel he yo le.

2 Webena 32:8

Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Yela 45:17

N yel la ɛɛ ɡeloo hé dɔ sɔn kohona dɛɛ la, ásɛ harɛre nɛra kpɛɛre, saŋ bɛlbwa dɛɛ la.

Aesaya 30:16

He dɛ bol ŋɔ, ‘Akai, yaa so jaɡre taa dɛ chwa kaa.’ A wer ɡa. Hé so jaɡre ta chwa. He dɛ lii kɛŋɔ he jaɡre ɡbaŋre, kɛ nɛra baa ti heyaa la kwaa ɡbaŋre ɡwaa he kwa.

2 Webena 13:16

Israel laa tena chwao le Juda tena la be, asɛ Korowii kpɔ ba do Juda tena nɔn ta.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.

2 Samoɛl 10:18

Kɛ Siiria laa tena ta wone che Israel laa tena la sie. Kooro Devid ne o laa tena kpoo nɛra baa soɡe kwaa aa do kɛŋɔ torɔɡore bini lafraanuanɛ, ne laa tena kaɡboŋa fifraanaarɛ baa dɛ valɛ. Ba kpo Sobak waa chɔ ba laa tena nyoa la ɡe.

2 Samoɛl 8:4

Kooro Devid lawɛ Kooro Hadadesa kwaa aa do kɛŋɔ torɔɡore kaɡboŋ, ne laa tena baa soɡe laa torɔɡore bini kaɡboŋa banuanɛ, ne laa tena kaɡboŋa fifraanɛ baa dɛ valɛ. O ɡel kwaa aa do kɛ torɔɡore la lafa, ne jaɡre ane aa dɛ ba torɔɡore la tɛɡra, dɛ chaa a kabora habɔɔ nadɛɛne.

1 Samoɛl 2:10

Nɛra baa ɛ hen Korowii dɔm bwa ɛɛ serewoo, hɛɛ kɔro kɛŋɔ bwaala le nyundua, dɛ́ ba chɔɡ ba. Hen Korowiirii dɛ́ ba bol harɛ nɔ nɛra bwa waa dɛ́ pa bole. Hɛɛ tɛ he kooro haa leo cheɡ kpeɡrii ó pɔ o dɔma nɛ.”

Job Tɔn 39:11

O bokpeɡa kohona nomanta, hɛɛ kpɔ he tenee dawɛ o nɛ aa? Hɛɛ ɡel he tomkpeɡaa ta o nɛ aa?

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.