Yela 20:6 - mzwDBL

⁶ Name, n jemɔ kɛŋɔ Korowii dɛ tɛ nɛn waa leo kɛ kooro kpeɡri, wɛɛ pɔ o dɔma nɛ. O dɛ sɛh o be nyundua bela waa do ɡoroŋ la, dɛ che o kpeɡri ta, dɛ ɡel o yo dɛɛ le.

Yela 20:6 ပူးပေါင်းရင်းမြစ်များ

1 Koranar 8:30

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

Yela 17:7

Baɡle he nyokpoa nyina waa do kan la, ásɛ n chwa le n dɔma be ba marɛ.

Yela 18:35

N Naa Korowii, he tɔ mɛ ɡbemɡbe dɛ lɛɛ mɛ, nyiŋa haa dɛ nyiŋi n nɛɛ la ɡelɔ n do kpeɡri, asɛ he kpeɡri ɡel n dɔ n te.

Yela 18:50

Kɛŋɔ haa tɛ he kooro kpeɡri kohona, o pɔ o dɔma nɛ, dɛ teŋɛ dɛɛ nyin nɛn haa leo, ó ɛ Devid ne o naanar kon, saŋ bɛlbwa dɛɛ la la.

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.

Yela 41:11

N jemɔ kɛŋɔ he sie lɛ n nɛ, dɛkalkɛ n dɔma ta wone pɔ n nɛ.

Yela 9:15

Voɡtoroma kwi nafuɡe, dɛ ɡbaɡba le o ta, ba ɡbaɡba bel laɡ ba.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

We-ɛɛla 4:10

amɔ te hé no, ásɛ Israel tena bwa no, kɛŋɔ Yeesu Kristo waa le Nasarɛt, haa kpoo daɡaɡre ta asɛ Korowii iru seo ta la, o sɔn kpeɡri taa a che baa nɔ waa cheɡa nɔ dɔ bokpeɡa la.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.