Yela 20:5 - mzwDBL

⁵ Ásɛ ya kpɔ silɛɛ moo, pɔe haa pɔ ya dɔma nɛɛ la wa, dɛ́ ir ya fraŋkaare, Korowii yaa dɛ tomɛ sɔn ta. Kórowii no he wesoŋa bwa.

Yela 20:5 ပူးပေါင်းရင်းမြစ်များ

Kaala 17:15

Mosis ɛ kon waa ɛ saraha o ta dɛɛ tɛ Korowii bela, dɛ pa o sɔn ŋɔ, “Korowiirii yoa dɛɛ tɛ mɛ.”

Yela 60:4

He ir he fraŋkaa dɛ́ kpɔ kah nɛra baa dɛ ɔmɛ, ɡɛ aa ɛ ásɛ ba dɔma bɛ ban kpoo.

1 Samoɛl 1:17

Ate, sɔfo Eli ŋɔ, “Kaa deŋnesɔɔhna ne, Korowii Israel tena aa dɛ tomɔ la tɛɛ komɛlbwa haa dɛ nyin.”

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Amanesoma Luk Aa Chwera Tɔn 1:47

N sie lɛ Korowii waa ɛ n Lɛɛ la nɛ.

Yela 118:15

Hé no nɛra ba wa aa toɡra silɛɛ moola aa dɛ le ba tɛnte deene bini, pɔe baa pɔ ba dɔma nɛɛ la wa. Ba ŋɔ, “Korowii kpeɡri, o won wekpeɡa kohona ɛɛ.

Yela 35:9

Ásɛ Korowii nomanta, n sie lɛ, dɛɛ hɛɡre, o lɛɛ waa lɛɛ mɛ la wa.

Yela 13:5

N kpɔ n te dawɛ he nyina waa wola jaɡa dɔe la ta, n sie dɛ lɛ, lɛɛ haa dɛ lɛɛ mɛɛ la ta.

Yela 9:14

ásɛ n che Jerusalam tena bwa sie, dɛ́ bol ba be waa bwa haa ɛa. Mɛɛ hɛɡroo, lɛɛ haa lɛɛ mɛ la wa.

Habakuk 3:18

Korowii nomanta, mɛɛ hɛɡroo, n sie lɛ Korowii waa ɛ n Lɛɛ la nɛ.

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Yela 19:4

Kɛ a webaɡla do kɛŋɔ wobol, dɛɛ tel harɛre bwa ta, asɛ a waa ɛɛ tel harɛ jaɡa bwa. Korowii kwaa bɔr nyundua bela tɛ wee,

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Yela 21:1

N Naa Korowii, kooro dɛ hɛɡre bokpeɡa haa tɛo wa. O sie lɛo kohona pɔe haa ɡela o pɔ o dɔma nɛɛ la wa.

1 Samoɛl 17:45

Anee Devid ŋɔ Goliat be ŋɔ, “Kere ne lampeaa he kpoŋe dɛɛ ba ba yoo mɛ, kɛ n te Korowii Waa Ɛ Koranar Bwa Kooro wɛɛ teŋɛ Israel laa tena nɛɛ he nyiŋu dɛɛ vah la sɔn nee mɛɛ ba dɛ́ ba yoi.

Yela 21:3

He swee andɛɛɡa tɛo kohona, dɛ kpɔ suuɡaswɛm kooɡbɛrɛ tenten piu.