Yela 2:7 - mzwDBL

⁷ Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Yela 2:7 ပူးပေါင်းရင်းမြစ်များ

2 Samoɛl 7:14

Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

Job Tɔn 23:13

Korowii te, ɡɛ waa doa o den do, nomɛlbwa aa won beɡre waa do o nyoa, anɔ la waa dɛ nyinii wɛɛ ɛ.

Yela 148:6

O nyoa wobol nee o cheɡa a chebɔra, a do le saŋ bɛlbwa, dɛ ɡel a do le ɡɛ dɛɛ la, aa wola won charɛ.

Yela 89:27

Mɛɛ leo cheɡ tɛ n te kɛ n bibanloɡle, ó ɡwaa koranar bwa baa lɔ harɛ nɔ ta.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

We-ɛɛla 13:33

ɡɛɛ o ɛ tɛ ya nɛra yaa ɛ ba naanar la. Anee kɛ o ir Yeesu seo ta. Ba chwerɛ o waa Korowii Yel Tɔn yel nɛɛte la bini ŋɔ, ‘N Biee hen, fini n berɛ he Mɛɛ.’

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

Tɔn Pɔɔl Aa Chwerɛ Rom Tena 1:4

asɛ o Korowii ɛɛ ɡe be pera la, Korowii cheɡɛ o seo ta ira la ta, dɛ baɡle kpeɡri ne kɛŋɔ o Korowii Biee on.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 5:5

Gɛɛ a do Yeesu Kristo ɡe aa wola o te ɡbaɡba leɛ Sɔfonomoa toma aa ɛ wejena nɔ ta. Korowiirii ŋɔ o be ŋɔ, “N Biee hen, fini n berɛ he Mɛɛ.”

Hibru 5:8

Yeesu ɛ Korowii Bie, kɛ o na wahala, dɛ che a ta dɛ won pwɛr o te dɛ no o Mɛɛ deŋna wa.