Yela 2:5 - mzwDBL

⁵ O bol waa baɡ ba bandia kohona ne, dɛ aah ba ŋɔ,

Yela 2:5 ပူးပေါင်းရင်းမြစ်များ

Yela 109:20

N Naa Korowii, tɛr n dɔm deŋne n wa, tɛr nɛra baa dɛ bol n bwara wechɔɡa la deŋne.

Yela 21:9

Korowii baa forɛ le aa, wɛɛ chɔɡ baa kɛŋɔ, nii yon fuh kwaa a chɔɡ la. Korowii baah ɛɛ diu kohona, ó chɔɡ ba bwa, dɛ́ ɡel nii fuuh ba kwaraa.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 66:6

Hɛɛ no moola kohona aa dɛ le bwɛjen la bini, dɛ́ no ɡbɔɡa aa le Korowii Dea bela. Korowii deŋnetɛra waa kpɔa dɛɛ tɛ o dɔma moolaa.

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.