Yela 2:4 - mzwDBL

⁴ Korowii soɡe o kookara ta nyundua dɛɛ mam ba, ba waa ɛ wesale o be.

Yela 2:4 ပူးပေါင်းရင်းမြစ်များ

2 Koranar 19:21

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Yela 115:3

Korowii yaa dɛ tomɔ la lɔ nyundua, waa aa too o tea laanee wɛɛ ɛ.

Yela 123:1

N Naa Korowii, he siwi taa mɛɛ nyiŋi nyundua, bela haa dɛ di kora la.

Yela 37:13

Korowii dɛ mamɛ nyubinikpeɡ tena, o jemɔ kɛŋɔ ba chɔɡa tɔpere telo tonɛ.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Yela 59:8

Kɛ hen n Naa Korowii te, he dɛ mam ba, he dɛ di nɛra baa wola hen tomɛ la loro.

Yela 59:9

N Naa Korowii haa ɛ n Kpeɡnɛn, he do kɛŋɔ danjwɛkpeɡ n chwa baa marɛ.

Yela 68:33

onee soɡe nyundujaɡla, dɛ do le saŋ la bwa. Hé cheɡ deŋne no kɔɡra waa dɛ kɔɡre kohona.

Sɛɡla 1:26

Sibeɡra pu heya aa, n ɡe ɛɛ mamɛ heyaa, wekpeɡa ane aa do ɔma kohona ba he nɛ aa, n ɡe ɛɛ di he loroo.

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?