Yela 2:1 - mzwDBL

¹ Ɛrɛɛ harɛre nɛra baa wola Korowii tomɛ, lɛ ɡaeh, dɛɛ le jina dɛɛ koh ba te pɛɛ nɔɔ?

Yela 2:1 ပူးပေါင်းရင်းမြစ်များ

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 21:11

A lole kɛ ba chemo dɛ yon dɛɛ vɔrɔwe kooro vɔrɔwa, baa won ɛ wobɛlbwa dɛ́ pɔ o nɛ.

Matiu 21:38

Nɛra la aa dena na o bie la, ba den ŋɔ, ‘Yoowa, koo te la ɡbaɡba biee la. Hé ɡel ya lawɔ dɛ́ kpoo, ásɛ o mɛɛ kapɛrɛ la bwa berɛ ya kwa.’

Aesaya 8:9

Anomanta, harɛre nɛra, hé lawɛ he te pɛ dɛ́ so ɔmee ta! Harɛre haa lɔ bojaŋa bwa nɛra, hé no. Hé kpɔ he te dɛ́ ka yo, kɛ hɛɛ ɔmɛ! Hé kpɔ he te dɛ́ ka yo, kɛ hé ɔmɛ!

Yela 18:42

N nam ba, ba ɛ kɛŋɔ tutuɡ peu aa taa dɛɛ kaa ane ken, dɛ sa ba nɛɛ kɛŋɔ, fɔɡbaah kpechɛɡre.

We-ɛɛla 5:33

Nomonome la aa no Yeesu toroma la waa nɔ la, ba bwaawee iro kohona, ba fe ɛɛ nyin kɛŋɔ ba kpoo ba.

Amanesoma Luk Aa Chwera Tɔn 18:32

Baa kpɔ mɛɛ do nɛra baa wola Juu tena ɛɛ la nɔn ta, ásɛ ba di n loro, dɛ́ chɛɡ mɛ, ásɛ dɛ ta nentane ta n nɛ.

We-ɛɛla 16:22

Dɛ nɛnlaa bane lɔ bela dɛɛ chɛɡre Pɔɔl ne Silas, asɛ Rom nomonome la wur Pɔɔl ne Silas laala, dɛ ɡel ba lɔɔ ba chweremi ne.

Amanesoma Luk Aa Chwera Tɔn 22:5

Ba sie lɛo taeh, ba baɡɔ nyoa ŋɔ dɛ o wono ɡel ba dɔɔ waa, baa tɛo suuɡaa.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 57:9

N Naa Korowii, mɛɛ jaame harɛre nɛra bwa binii, mɛɛ ɡo yelaa kpɛɛre nɛnlaa baahnee.

Yela 74:23

Bɛ ɡbɔɡa he dɔma aa doa dɛɛ muɡli he baah la soh, ɡbɔɡa he dɔma aa teŋa dɛɛ do la.

Yela 83:3

Ba sɔɔh dɛɛ vɔrɔwe he nɛra vɔrɔwa, ba dɛ vɔrɔwe nɛra haa kpɔ nɔn tɔ ba nɛɛ la vɔrɔwa.