Yela 19:9 - mzwDBL

⁹ Korowii ɔma wer ɡa, aa do lee saŋ bɛlbwa dɛɛ la. Korowii waa bola dɛ́ pa bole ɛ kasinteŋ dɛ toɡre.

Yela 19:9 ပူးပေါင်းရင်းမြစ်များ

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Yela 10:5

Ba we-ɛɛla bwa dɛ do wer dɛɛ tɛɛ ba, baa ŋwɛnɛ Korowii aa cheɡɛ o ta, dɛɛ pa bole mun no, dɛɛ mamɛ ba dɔma.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 115:13

Wɛɛ swee andɛɛɡaa tɛ nɛra baa dɛ tomɔ, nɛnjena ne nɛmpɛɛne bwa.

Yela 119:1

Nɛra ba we-ɛɛla aa toɡra, baa teŋɛ Korowii Mmarare ta la, ba na som.

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:142

He toɡra haa toɡra ta jaɡa dɔe, asɛ he Mmara ɡe dɔ kasinteŋ.

Yela 119:39

Lɛɛ mɛ le chɛɡa maa dɛ ɔmɛ kohona ta, dɛkalkɛ he waa dɔ nyokpoa.

Yela 119:62

Harambaŋa n yon ir dɛ́ɛ kpɛɛre, ɡɛ he waa la aa toɡra wa.

Yela 119:7

Dɛ n dɛ hweli he wa aa toɡra dɛɛ teŋɛ a ta naa, mɛɛ dɔ bambidɛɛɡee dɛɛ kpɛɛre.

Yela 119:75

N Naa Korowii, n jemɔ kɛŋɔ he bole pae toɡrɔ, he che kasinteŋ ta dɛ tɛr n deŋne.

Yela 12:7

N Naa Korowii, kpɔ nɔn tɔ ya nɛ, dɛ́ lɛ yaa le ɡɛ nɛra nɔ nɔn ta kwaraa.

Yela 147:19

O pili o Mmarare ne o waa bini chaɡle Jekɔb naanar baa ɛ o nɛra Israel tena la.

Yela 36:1

Korowii waa lɔ n bambile bini, dɛɛ baɡle nyubinikpeɡ tena wechɔɡa wa. Baa Korowii ɔmɛ, á ba ɛ kɛŋɔ baa duuruu.

Yela 36:6

He wa aa toɡra la jaŋne kaa nyundua kɛ bwejena tenten ken, he bole pae bini do luŋri kɛŋɔ mpo vil, dɛɛ nyiŋi nɛwɛnyina ne ola bwa nɛ.

Kaala 21:1

Korowii ŋɔ Mosis be ŋɔ, “Mmarare nɔɔ chɛ kɛ he kpɔ tɛ Israel tena.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

Tɔn Pɔɔl Aa Chwerɛ Rom Tena 11:22

He nyiŋo na naa, dɛ he jemɔ kɛŋɔ Korowii tea som, kɛ o waa ɡe kpeɡri taeh. Nɛra ba deŋne aa kpeɡa baa wola o ŋwɛnɛ ta teŋɛ la, o dɛ nyiŋ ba sinyɛɡa ne. Kɛ dɛ hɛɛ dɛɛ teŋɛ o ŋwɛnɛ taa te naa, wɛɛ ta tea tɛ he te. Kɛ dɛ he ta o ŋwɛnɛ ta teŋaa, wɛɛ kɛ he ɡee ta.

Tɔn Pɔɔl Aa Chwerɛ Rom Tena 2:2

Nɛn ɛ wechɔɡa nɔ dɔŋa aa, Korowii dɛ pao bolchɔɡe. O te, aŋwɛnɛ taa wɛɛ pa nɛwɛnyini bolchɔɡe.

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.