Yela 19:12 - mzwDBL

¹² Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Yela 19:12 ပူးပေါင်းရင်းမြစ်များ

Job Tɔn 6:24

A wer, hé baɡ mɛ n wechɔɡa maa ɛa, mɛɛ tɔ nyoa dɛ́ no he be.

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Yela 139:6

Gɛ haa jemɛ n waa la kpo n nyoa kohona, maa wone dɛɛ no a mun.

Yela 40:12

N dɔma baa wola nyoa dɔe bar mɛ cheme, n wechɔɡa ɡwaa n nɛ, maa jemɛ bela maa kpɔ. A warɔ ɡwaa n nyumpona kwara, a ɡel n hwɛɡa bwa ta.

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Yela 65:3

ba wechɔɡa aa ɡwaa ba nɛɛ la wa, ásɛ he kpɔ ba wechɔɡa kɛ ba.

Yela 90:8

Ya wechɔɡa chɔ he sie, hɛɛ na anɔ la yaa ɛa dɛɛ sɔh bwa.

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

1 Kɔrent 4:4

N ta wechɔɡa bɛlbwa nae n waa bini te, kɛ a ta baɡlɛ kɛ mɛɛ di bolee. N Dɔɔ Yeesu Kristoo dɛɛ ba n waa bola dɛ́ pa bole.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Mmarare 5:32

Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.