Yela 19:10 - mzwDBL

¹⁰ O waa bola dɛ́ pa bole dɔ tɔnɔ, dɛ ɡwaa suuɡaswɛm tenten, a torodi dɛ ɡwaa tohno baa wola komɛlbwa a ta koore.

Yela 19:10 ပူးပေါင်းရင်းမြစ်များ

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 119:103

He waa la som n be kohona, a som dɛ ɡwaa tooh kwara.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:72

Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.

Yela 63:5

N sie ɛɛ lɛo kɛ maa di silɛɛ kondikonjena dɛ vaɡɛ ken, dɛ́ ɡo silɛɛ yela kpɛɛ he sɔn.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Sɛɡla 24:13

N bie, tohnoo dɔ pɛla dɛ do som, anomanta, bɛ an vɛh.

Sɛɡla 8:19

Kon haa dɔ le n be la ɡwaa suuɡaswɛm baa laa doŋa kpɔ o ta, dɛ ɡwaa suuɡapoŋ tenten.

Wepila 10:10

Asɛ n lɛ tɔnjeɡa la le o nɔn ta, dɛ kpɔ chwe, o do som n nyoa bini kɛŋɔ tooh ken. Maa lilo la, o berɔ do kpeli n tea bini o ɛɛ mɛ haŋŋ ken.