Yela 18:8 - mzwDBL

⁸ Ninchuu le o mebɔɔne bini, ninlao aa dɛ chɔɡ kwaa le o nyoa, ninhɔla aa dɛ fuh kwaa ɡe ɛɛ le o nyoa.

Yela 18:8 ပူးပေါင်းရင်းမြစ်များ

Mumpar 19:28

O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken.

Job Tɔn 41:19

Ninlao dɛ le o nyoa, nihɛma ɡe ɛɛ chuɡri kohona.

Yela 104:32

O nyiŋi harɛ aa, o dɛ jiɡri, o leɡe bwejena chuu ɛɛ le a ta.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 21:9

Korowii baa forɛ le aa, wɛɛ chɔɡ baa kɛŋɔ, nii yon fuh kwaa a chɔɡ la. Korowii baah ɛɛ diu kohona, ó chɔɡ ba bwa, dɛ́ ɡel nii fuuh ba kwaraa.

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Yela 74:1

N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Aesaya 24:18

Nomɛlbwa waa no ɔmewaa ɡbɔɡa dɛ́ chwa la, wɛɛ ka le bɔɔ binii. Nomɛlbwa ɡe waa le bɔɔ bini dɛ́ takapɔ ir la, wɛɛ le bel taa. Nyundua ɛɛ piluu nee fuɡe, kwaa harɛ aa cheɡɛ a ta ɡe yiiɡi kohona.

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Lewi Dea Tena 10:2

Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Nɛra Kura 11:1

A kaa ba kɛŋɔ Israel tena la dɛ naɡre ba wenaale wa, asɛ a chole Korowii deŋne ta. Waa noa la, bwaawee lawɔ, o ɡel nii le bela baa soɡa la, dɛ chɔɡ o baŋ bɛl.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Wepila 11:5

Dɛ ba dɔm bɛlbwa ŋɔ o ɛɛ ba wechɔɡa aa, nii ɛɛ le Korowii danseɛ tena la nyooree, dɛ́ kpo naate. A ɡɛ seo nɔɔ nomɛlbwa waa ŋɔ ó ɛɛ ba wechɔɡa la ɛɛ ba sewa.