Yela 18:6 - mzwDBL

⁶ N wahala bini n wio no hen Korowii ŋɔ hé lɛɛ mɛ, n wio no hen Korowii maa dɛ tomɛ ŋɔ, hé cha mɛ, he no n taa he Dea la bini, n wii la tel he be, asɛ he no.

Yela 18:6 ပူးပေါင်းရင်းမြစ်များ

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

2 Samoɛl 22:7

N wenaale ta la, n wio yerɛ Korowii, n wio yerɛ Korowii maa dɛ tomɔ ó cha mɛ. O lɔ o Dea bela baa dɛ tomɔ dɛ no n taa, n wii maa dɛ wi la tel o be.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Yela 120:1

N fa aa lɔ wenaale ta la, n wio no Korowii, asɛ o chaŋ mɛ.

We-ɛɛla 12:5

Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Yela 5:7

Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Amanesoma Mak Aa Chwera Tɔn 14:36

Dɛ berɛ soŋo ja ŋɔ, “N Mɛɛ, wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”

Yela 55:5

Ɔmee ne bochela chole n nɛ, asɛ n bambile teŋe kohona.