Yela 18:43 - mzwDBL

⁴³ He lɛɛ mɛ le nɛra baa cheɡɛ n nɛɛ bini, dɛ ɡel mɛɛ di kora harɛre nɛra nɛ, nɛra maa wola ban jemɛ laanee dɛɛ tom mɛ.

Yela 18:43 ပူးပေါင်းရင်းမြစ်များ

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

2 Samoɛl 3:1

Laa la chɔ nɛra ba fa aa teŋɛ Kooro Sɔɔl nɛ ne Kooro Devid laa tena baah biɡri taeh. Kooro Devid ne o nɛra teŋɔ dɛɛ do kpeɡri, asɛ Kooro Sɔɔl ne o nɛra te nyoa ɛɛ sɔɔh.

2 Samoɛl 19:9

Dɛ Israel tena la bwa dɛ tɔŋle dɔŋa ŋɔ, “N naa kooro lɛ yaa le ya dɔma nɔn ta, dɛ́ lɛ yaa Filisti tena ɡe nɔn ta, kɛ o berɔ koh Absalɔm wa, dɛ chwa le harɛ nɔ ta.

1 Pita 2:10

He fa ta Korowii nɛra ɛɛ, kɛ taraken te, o nɛraa heya. O fa ta he sum nae, kɛ taraken te, o na he sum.

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,

Aesaya 52:15

Kɛ taraken, harɛre nɛra nyoa ɛɛ kpo o waa, koranar hel, ba bwara yɔr. Baa na waa baa wola ba be bolɛ bwaa, ásɛ anɔ la baa wola noɛ bwa la, bá no a mun.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

Tɔn Pɔɔl Aa Chwerɛ Rom Tena 15:12

Asɛ Aesaya ɡe bol ja, dɛ ŋɔ, “Jese naa bɛl ɛɛ bao. On dɛ́ ir dɛ́ di kora nɛra baa wola Israel tena ɛɛ nɛ. O nɛɛ baa ba hwɛɡa dɔe.”

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Yela 108:9

Moab harɛ nɛra ɛ n bonɔɔna, ba do kɛ loɡ maa dɛ loo kwaa o bini ken, mɛɛ kpɔ n naŋɡawaa ta Edom harɛ ta. N dɛ moo, dɛkalkɛ n pɔ Filisti tena nɛ.”