Yela 18:20 - mzwDBL

²⁰ Korowii bɔ mɛ kem ɡɛ n wa aa toɡra, o swee andɛɛɡa tɛ mɛ, dɛkalkɛ wechɔɡa bɛlbwa toole n nɛ.

Yela 18:20 ပူးပေါင်းရင်းမြစ်များ

Yela 24:4

Nɛn o we-ɛɛla aa wera, o tea to waa wola voɡa tomɛ, kɛɛ dɛɛ ŋwɛɛ saɡasaɡa.

1 Kɔrent 3:8

Nɛn waa dɛ du kwaa ne onɔ la waa dɛ do nee a ta la te bɛlbwa ta korɛ. Korowii dɛ bɔ bɛlbwa kem ɡɛ aa chɛa.

Matiu 6:4

Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Sɛɡla 11:18

Wechɔɡ-ɛɛ koeh aa tɔnɔ bɛlbwaa dɔ tɛo, nɛn o wa aa toɡra dɛ́ dɔ kɛrɛdɛ.

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Job Tɔn 22:30

Nɛn wobɛlbwa aa wola toole o nɛɛ kwaraa la, Korowii ɛɛ lɛo, wɛɛ che he tepoŋ haa dɔa la taa dɛ lɛo.”

Yela 26:6

N Naa Korowii, n sarame nɔɔra, a baɡle kɛ n ta bolchɔɡe bɛlbwa dii, dɛ ka valɛ bar he saraha kon la dɛɛ tomɛ.

Yela 18:24

Korowii bɔ mɛ kem ɡɛ n wa aa toɡra, dɛkalkɛ wechɔɡa bɛlbwa toole n nɛɛ o be.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

Yela 7:3

N Naa Korowii, dɛ n ɛ nomɛlbwa wechɔɡa, dɛ di a bolchɔɡe,

1 Samoɛl 24:17

O ŋɔ, “He waa toɡrɔ dɛ ɡwaa mɛ. He te nyiŋi n nɛɛ kɛrɛdɛ, kɛ menee wola hen nyiŋe.”

Job Tɔn 36:16

Korowii siwi beɡrɔ kɛ ó lawɛ dɛɛ le he wenaale ta, dɛ́ tɛɛ bosɔɔhna, dɛ́ ɡel he dɔ kondikondɛɛɡa kohona dɛɛ di.

Yela 31:9

N Naa Korowii, na n sum, dɛkalkɛ n dɛ na wahala kohona, wii kohona ɡelɔ maa na kɛrɛdɛ, n bwadabii bwa ɡwɛɡre.

Yela 118:5

Maa lɔ weweele ta la, n wio no Korowii, asɛ o chaŋ mɛ dɛ lɛɛ mɛ.