Yela 18:14 - mzwDBL

¹⁴ O ta o hɛma, o dɔma peɡre, o ɡelɔ bwaala nyɛɡle kohona, ba chwa kaa.

Yela 18:14 ပူးပေါင်းရင်းမြစ်များ

Job Tɔn 37:4

A habɔɔ, ba no o nyɛɡa waa do kɛ bwaala aa nyɛɡla la, o nyɛɡa la kan kɛ bwaala aa kɔra. O baa nyɛɡ kohona naa, dɛ komɛlbwa chɔ baŋ.

Job Tɔn 37:5

Korowii bol wa aa, ba dɛ na o nyokpowa, a ɛ wejena nɛn aa wola a mun no.

Job Tɔn 38:35

Hɛɛ won do bwaala ó nyɛɡle dɛ ba ŋɔ, ‘Ya dɔɔree hen naa?’

Job Tɔn 6:4

Korowii Waa Ɛ Kpeɡri Bwa Dɔɔ la ta mɛ hɛma, asɛ tɛɛɡa aa lɔ a ta la jooɡe n bini. Korowii kpɔ wenaale aa do ɔma teŋɛ dɔŋa nɛɛ ta n nɛ.

Yela 144:6

Gel bwaala nyɛɡle, dɛ́ lɔ he dɔma peɡre. Ta he hɛma do ba bini, bá chwa kaa.

Yela 21:12

Wɛɛ harɛ o too ba nɛ, ásɛ ba berɛ habɔɔ dɛ́ chwa kaa.

Yela 29:3

Korowii taa bɔle mpo ta, Korowii waa dɔ jirima kɔrɔ kɛŋɔ bwaala ken, a ka le mpo ta bobɛlbwa.

Yela 29:7

Korowii bol wa, a do kɛ bwaala aa nyɛɡla.

Yela 77:17

Baama nɛ bwaala, dɛ nyɛɡle le nyundua, asɛ dɛ kɔɡre dɛɛ nyɛɡle bobɛlbwa kɛŋɔ, haa ta he hɛma la ken.

Yela 77:18

He ɡelɔ bwaala nyɛɡle dɛɛ kɔɡre kohona, dɛɛ nyɛɡle harɛ nɔ ta bwa, asɛ harɛ jiɡri.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Habakuk 3:11

Wee ne korobie cheɡɛ bobeŋkpoŋ nyundua, dɛkalkɛ he dɛ ta he hɛma ne he lampea, aa nyɛɡle al-al ken dɛ baa kaa.

Nɛra Kura 24:8

Korowii laɡ ba le Ijipt harɛ ta, dɛ yo dɛɛ tɛɛ ba kɛŋɔ kpɔɡ bini nao ken. Ba pɔ ba dɔma nɛɛ dɛ kuuɡi ba hoɡa, dɛ yaɡ ba hɛma ne.

Mmarare 32:23

Mɛɛ kpɔ wahala kohonaa ta he nɛ, mɛɛ kpɔ n hɛma bwaa ta heya.

Mmarare 32:42

N hɛma ɛɛ jo ba chal taa, ásɛ n tokobii ɡe kpoo banɔ la baa dɛ tɔ mɛ ŋwɛnɛ. Maa nomɛlbwa waa cheɡɛ n nɛɛ ɡel, banɔ la baa do ba bola, ne banɔ la baa laɡ ba bwa ɛɛ sewɔɔ.’

Josua 10:10

Ate, Korowii den ɡel Amɔre tena la wili Israel laa tena la sie, asɛ ba pɔ ba nɛɛ kohona dɛ kpoo ba Gebeɔn. Israel tena ti ba kaa bwɛɛ Bɛt Hɔrɔn ŋwɛnɛ ta, dɛ teŋɛ kpoo ba kaa bwɛɛre Aseka ne Makeda.

1 Samoɛl 2:10

Nɛra baa ɛ hen Korowii dɔm bwa ɛɛ serewoo, hɛɛ kɔro kɛŋɔ bwaala le nyundua, dɛ́ ba chɔɡ ba. Hen Korowiirii dɛ́ ba bol harɛ nɔ nɛra bwa waa dɛ́ pa bole. Hɛɛ tɛ he kooro haa leo cheɡ kpeɡrii ó pɔ o dɔma nɛ.”