Yela 18:13 - mzwDBL

¹³ Nemenɛ Korowii bol waa nyundua, a do kɛŋɔ bwaala aa kɔra ken, asɛ ba no o taa bobɛlbwa.

Yela 18:13 ပူးပေါင်းရင်းမြစ်များ

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Yela 104:7

He kɔr neerare dɛ ɡel a hweeh, he kɔra la ɡelɔ a nee la palɛ kaa warane.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 140:10

Chure ninhɔla ta ba nɛ, ɡel ba taɡ ba do bɔluŋ bini baa wola won le kpa.

Yela 78:48

O kpoo ba nae dombwea ne, dɛ ɡel bwaala kɔr kpoo ba peera.

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 9:24

A leero asɛ bwaala ɛɛ nyɛɡle bobɛlbwa pelɔpelɔ ken dɛɛ kɔɡre dɛ do ɔma. A dɔŋa ta Ijipt harɛ ta chiɡe bwa.

Ɛsekeɛl 10:5

Kerobim la kena dɛ si, dɛ nɛn lɔ dembaah la baŋ kwaraa naa, o dɛ no sii la. A sii la do kɛŋɔ Korowii Waa Ɛ Kpeɡri Bwa Dɔɔ la taa ken.

Habakuk 3:5

Weechɔɡa tɔ he sie, asɛ he ŋɔ seo be ŋɔ ó teŋɛ he nɛ.

Amanesoma Jɔn Aa Chwera Tɔn 12:29

Nɛnlaa baa ja o nɛɛ bela la aa no taa la, bane ŋɔ bwaalaa kɔra, asɛ bane ɡe ŋɔ nyundua torome bɛlee bol waa o be.

Mmarare 32:24

Lɔr ɛɛ kpo heyaa kohona he ɡwaŋre dɛ serewe, weechɔɡaa dɛɛ ba heyaa kpoora. Mɛɛ ɡeloo kpɔɡ bini ola lawɛ heya, domkpuli choɡe heya.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.

Wepila 8:5

Asɛ nyundua torome la kpɔ kon la baa kpɔa dɛɛ fuh daawiile la, dɛ buh konsɔɔhsoma fuih bɔr nii la ane dɛ kpɔ ta harɛ. Asɛ bwaala jiɡri dɛɛ kɔɡre, dɛɛ nyɛɡle bobɛlbwa pelɔpelɔ ken, asɛ harɛ ɡe ɛɛ jiɡri.

1 Samoɛl 7:10

Waa dɛ fuh saraha kon la, dɛ Filisti tena la kpɔ ba te dɛɛ ba ba puu ba yo. Asɛ Korowii ɡel bwaala kɔr kohona jo Filisti tena la bini, ɔmee chole ba nɛɛ ba wili, dɛ kpɔ bambiteŋa chwa le Israel tena sie.