Yela 146:7 - mzwDBL

⁷ O bol nɛra baa dɛ fiɡ ba waa dɛɛ tɛɛ ba, nɛra lɔr aa dɛ kpo ba ɡe, o dɛ tɛɛ ba kondikwa. O ɡelɔ nɛra baa laɡ ba do dea ɛɛ di ba nyu,

Yela 146:7 ပူးပေါင်းရင်းမြစ်များ

Yela 10:18

dɛɛ lɛ bilalbii ne nɛra baa dɛ fiɡ ba, dɛ́ bol ba waa tɛɛ ba ɡɛ aa ɛ nɛwɛnyini waa won sewa nɔ bɛ on aah kpa.

Yela 103:6

Korowii bol nɛra baa dɛ fiɡ ba waa dɛɛ tɛɛ ba, dɛ ɡel baa dɔ waa aa chɛ kɛŋɔ bá dɔ.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 136:25

Onee dɛɛ tɛ hweera kwaa bwa kondikwa aa di. O nyina lole saŋ bɛlbwa dɛɛ la.

Yela 142:7

Lee mɛ suna maa dɛ di nɔ ta, ásɛ n kpɛɛre he nɛra baa chema warɛ bini, he wer haa doa tɛ mɛ la wa.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 68:6

Korowiirii tɛ nɛra baa nya nɛra bɔr, ba yon so, dɛ le nɛra baa do ba dea, dɛ ɡel ba sie lɛ baa di ba nyu. Bambikpeɡ tena te, harɛ waa chɔɡa taa baa ba soɡa.

Yela 68:7

N Naa Korowii, haa tɔ he nɛra sie, dɛ valɛ kpɔ pua hɛŋle ɡbo harɛ ta la,

Yela 72:4

Gel kooro bol nyaara waa dɛɛ tɛɛ ba aŋwɛnɛ ta, dɛɛ cha ba bii, dɛ́ pɔ nɛra baa dɛ fiɡ ba la nɛ.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Jeremia 31:14

Mɛɛ ɡeloo sɔfore di kondikondɛɛɡaa, ásɛ n nɛra bwa ɡe dɔ ba kwaa baa dɛ nyin. Men Korowiirii bola.”

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Amanesoma Luk Aa Chwera Tɔn 1:53

O tɛ nyaara kondɛɛɡa ba di, dɛ doŋi dɔɔhna ba kpɔ nɔŋɡbala kaa.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Luk Aa Chwera Tɔn 9:17

Baa bɔne paanoo la tɛ nɛra la, ba bwa diu dɛ vaɡre, ane ka. O habɔteŋra la tɔɔ a puɡrere la baa dia ka la pɛ, asɛ a su wɛɡrɛjena fi dɛ anɛ.

We-ɛɛla 16:26

Kerabeŋkpoŋ dɛ harɛ jiɡro kohona, asɛ deene la jiɡri le mun ta ka le nyundua. Kerabeŋkpoŋ dɛ deene la ɡbeni bwa pilo, asɛ jɔɡrɔre baa do nɛra la bwa cha le ba nɔɔra ta.

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,