Yela 146:10 - mzwDBL

¹⁰ Korowii waa dɛ di kora Saayɔn, ɛɛ di koraa saŋ bɛlbwa dɛɛ la. Hé kpɛɛ Korowii!

Yela 146:10 ပူးပေါင်းရင်းမြစ်များ

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Yela 145:13

He kora dii ta jaɡa dɔe, hɛɛ di koraa saŋ bɛlbwaa dɛɛ la. N Naa Korowii, he waa dɔ kasinteŋ hɛɛ teŋɛ he nyobaɡa ta, dɛ dɔ nyina tɛ kwaa haa taa bwa.

Yela 147:12

Nɛra haa lɔ Jerusalam, hé kpɛɛ Korowii. Saayɔn tena, hé kpɛɛ Korowii haa dɛ tomɔ!

Kaala 15:18

N Naa Korowii, hɛɛ di kora saŋ bɛlbwaa dɛɛ la.”

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”