Yela 145:4 - mzwDBL

⁴ Fini bii ɛɛ baɡle waa haa ɛa baɡle kerekere biirii, baa bol he wejena haa ɛa waa.

Yela 145:4 ပူးပေါင်းရင်းမြစ်များ

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Aesaya 38:19

Weeraa dɛɛ kpɛɛre ɡɛ maa dɛ kpɛɛre fini nɔ. Eehnanar dɛ bol he kasinteŋ waa ba bii be.

Mmarare 6:7

Hé kpɔa baɡle he bii. Hɛ́ɛ dalawe a ta, he dem soɡa bini ne ŋwɛnɛ bɛlbwa haa dɛ kaa, hale he chɔe ne he ira bini bwa.

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Ɛsta 9:28

Ba ɛa a chɔ kɛŋɔ, Juu tena ne ba naanar baa lɔ harɛre ne bwɛɛ bɛlbwa ta, Kooro Sɛksɛs aa di kora a ta la ɛɛ di ɡɛ tɔpera anɛ nɔ saŋ bɛlbwa dɛɛ la. A chɛ kɛ bá bwa won dɛɛ di a ɡɛ Purim tɔpera nɔ bɛlbwa.

Job Tɔn 8:10

Hé ɡel ya naawa wejema baɡle heyaa wa, dɛ́ nyiŋi waa baa bola bil la ta kɛrɛdɛ.