Yela 145:10 - mzwDBL

¹⁰ N Naa Korowii, kwaa haa taa bwa ɛɛ kpɛɛree, ásɛ he nɛra ba wa aa toɡra bwa ɡe kpɛɛre.

Yela 145:10 ပူးပေါင်းရင်းမြစ်များ

Yela 19:1

Nyundua dɛ baɡle kɛrɛdɛ ɡɛ Korowii aa dɔ jirima, kwaa aa lɔ nyundua ɡe bwa ɛɛ chaɡle ɡɛ tenten, toma Korowii aa ɛa.

Yela 103:22

Korowii kontaala bwa, hé kpɛɛro bela bwa waa dɛ di kora. N dɛ kpɛɛ Korowii n bambile bwa ne.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Yela 104:24

N Naa Korowii, he cheɡɛ he wejema ta, dɛ ɛ wejena taeh, harɛ nɔ bwa su he kontaala haa taa.

Yela 97:12

Nɛra he wa aa toɡra bwa, hé ɡel he sie lɛ, waa Korowii aa ɛa wa. Hé lii waa Korowii waa do ɡoroŋ aa ɛa, dɛ́ kpɔ jam tɛo.

Yela 68:26

Hé kpɛɛ Korowii bela o nɛra aa wara dɛ cheme. Israel tena bwa, hé cheme dɛ́ kpɛɛro.

Yela 32:11

He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Yela 30:4

Korowii nɛra ba wa aa toɡra bwa, hé ɡo yela kpɛɛro, hé kpɛɛ o sɔn waa do ɡoroŋ la.

Yela 22:23

“He banɔ haa dɛ ɔmɛ Korowii la, hé kpɛɛro! Jekɔb naanar, hé kpɔ duure tɛo! Israel tena, hé tomɔ!

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Yela 57:9

N Naa Korowii, mɛɛ jaame harɛre nɛra bwa binii, mɛɛ ɡo yelaa kpɛɛre nɛnlaa baahnee.

Yela 69:35

Korowii ɛɛ lɛ Jerusalam tenaa, dɛ́ berɛ kwaa ma Juda harɛ bwɛjena, ásɛ o nɛra berɛ ka kpɔ harɛ la, dɛ́ so o ta.

Yela 149:5

Korowii nɛra ba wa aa toɡra la hɛɡre, dɛ́ ɡo silɛɛ yela jwaana bwa, pɔe baa pɔ ba dɔma nɛɛ wa.