Yela 143:11 - mzwDBL

¹¹ N Naa Korowii, lɛɛ mɛ ɡɛ haa baɡ mɛ nyoa la, che he toɡra haa toɡra ta, dɛ́ lɛɛ mɛ le n wenaale ta.

Yela 143:11 ပူးပေါင်းရင်းမြစ်များ

Yela 31:1

N Naa Korowii, henee n chwa baa marɛ, bɛ ɡel n di sihiih, che toɡra he wa aa toɡra ta, dɛ́ lɛɛ mɛ.

Yela 119:25

N cheɡɛ seo nyoa, ɡel he waa la tɛ mɛ bokpeɡfala, ɡɛ haa baɡ mɛ nyoa la.

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

Yela 71:2

Che toɡra he wa aa toɡra ta, dɛ́ cheɡ deŋne no n be, dɛ́ lɛɛ mɛ.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

Yela 119:88

Che he nyina aa wola jaɡa dɔe la ta, dɛ́ kpɔ nɔn tɔ n nɛ, ásɛ mɛɛ teŋɛ he webaɡla bwa ta.

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Yela 25:11

N Naa Korowii, a lole kɛŋɔ n wechɔɡa kan te, koh he sɔnjen la wa dɛ́ kpɔ kɛ mɛ.

Yela 143:1

N Naa Korowii, no n wesoŋa, che toɡra haa toɡra ta, dɛ́ na n sum. Chaŋ mɛ he kasinteŋ haa dɔa la ne.

Yela 119:107

N Naa Korowii, n na wahala kohona, tɛ mɛ bokpeɡfala ɡɛ haa baɡ mɛ nyoa la.

Yela 119:40

N dɛ nyin he waa la ta teŋa kohona. Che toɡra he wa aa toɡra ta dɛ tɛ mɛ mkpa.

Yela 25:17

Laa waa aa dawɛ n nɛɛ kpɔ n nɛ, dɛ́ lɛɛ mɛ le n wenaale bwa ta.